Home Enseñanza Kico ta significa ser Maestro?

Kico ta significa ser Maestro?

36
0
SHARE
- Advertisement -

Anchelino Vrolijk

ORANJESTAD   (AAN):  Nos ta reconoce e trabou di un maestro. Pero kico significa ser Maestro? Un rol di un maestro a cambia grandemente den e ultimo decadanan. Ser un maestro no significa unicamente prepara un mucha intelectualmente pa e mundo di mañan, pero tambe traha na e formacion di e mucha.

Pa mañan e por ta un lider. Un maestro ta inspira y duna amor na su alumnonan. Ser maestro significa proteha esnan debil den comunidad. Ser maestro significa crea igualdad entre su alumnonan y wak nan triunfa mañan den bida cu ta mane su propio yui a logra su meta. Ser maestro significa di ta e ehempel pa su alumnonan. Ser maestro significa hopi cos cu casi no por defini tur cos.

Un trabou di un maestro no ta un trabao di 7-3 o 8-4 pero  ta un trabou unda cu oranan di anochi, weekend ainda e trabou ta sigui.

Ser maestro ta mas cu un trabou. E ta un pasion, e ta e amor cu uno por tin pa traha cu mucha. E ta e dedicacion cu ta wordo otorga na un mucha pa cu su desaroyo. Un docente por hasi e diferencia den bida di un alumno.

Pesey mes awe riba dia international di maestro mi kier a manda un palabra di pabien na tur nos maestronan cu nos por tin, paso nan ta esnan cu ta crea e mundo di futuro.

Kere semper den bo mes y bo lo sa di logra bo metanan.

- Advertisement -

DUNA COMENTARIO

Please enter your comment!
Please enter your name here