Home Salud Labamento di man por evita hopi maleza

Labamento di man por evita hopi maleza

10
0
SHARE
- Advertisement -

Dr. Maritza Ordoñez di Salubridad Publico

ORANJESTAD  (AAN): Durante un entrevista, dokter Maritza Ordoñez di Salubridad Publico a splica un tiki riba e bacterianan cu tin y kico bo por trece cun’e. Tin diferente cos interesante cu mester tene cuenta cun’e. Un hende cu griep por ehempel por causa e pasamento di virus door di niestermento. E por dura varios minuut den bo man si bo no labe.

Dokter Maritza Ordoñez a splica cu esnan cu no haci su mes limpi corectamente por causa pasamento di bacteria malo pa otro. Labando man por evita hopi cos. Dokter Maritza Ordoñez a splica cu e man ta loke por pasa e bacteria mas facil pa otro si no laba man corectamente. Loke a hala su atencion ta e lespaketnan cu e departamento di promocion  ta bay entrega na e scolnan. Eynan por catch mas mucha chikito pa siña cu tin cu laba man.

Den bo man bo por hiba bacteria, virus, schimmel y cualkier otro insecto, insecto den bo man pa hinca den bo curpa. Lo mas interesante ta cu den e caso di virus. Si un hende tin griep, si e no uza lenso, etc., practicamente tur hende ta pone su man na su nanishi of boca. Pero e problema ta cu unabes bo no labe, bo ta bay pase facilmente pa otro hende y hasta pa bo mes.

Esaki ta un di e virusnan mas facil pa pasa pa un hende pa otro. Tambe bacteria. No tin cu lubida cu ora nos bay den baño, si bo no ta haci limpi corectamente, pero tambe e muchanan, si ta haci nan limpi corectamente, bo por susha bo man cu sushi humano. Vooral muchanan.

Kico ta pasa

E ta bay den bo boca, of e ta pasa pa otro mucha, of pa otro hende y bo ta come. Esey ta bacterianan cu normalmente no mester bay den boca di ningun persona.

Con bo ta preveni

Labando bo man. Esey ta e unico manera. Si en caso cu ta un hende cu tin herida na su pia, eynan tambe tin bacteria. Si despues di haci un herida limpi y no ta laba man corectamente, siguramente lo bo contamina otro hende, pero tambe cuminda, alimento, awa, tur. Man ta transmisor mas importante den nos curpa pa pas’e pa otro hende. Bo ta plam’e mas rapido, inclusivo, cu hasta riba un niester, of riba un tosamento. Bo no sa cuanto biaha bo ta mishi cu man di bo porta, e telefonnan, stoel, tur loke bo ta mishi diariamente, si bo no haci bo labamento di man manera mester ta.

- Advertisement -

DUNA COMENTARIO

Please enter your comment!
Please enter your name here