Home Comentario Lector ta opina cu chollernan merece mas atencion cu animalnan

Lector ta opina cu chollernan merece mas atencion cu animalnan

22
0
SHARE
- Advertisement -

Segun un lector den un comentario a bira tempo pa toca e punto di atencion du animalnan ta haya y cu chollernan ta haya riba nos isla.

E ta mustra cu esaki sigur e lo bay trece basta reaccion y ta asunto cu mester a atende cune hopi tempo caba.

“Ta asina cu a aproba ley di cacho y esaki ta nifica cu doño di cacho tin di tene cuenta debido pa no faya pa e no haya boet.

Cachonan ta sali di cura subi caya causa molester riba caya y e doño mester percura pa mara su cacho na cadena  percurpa pa e cacho tin espacio pa move y cu tambe su baki di cuminda y di awa ta yen y no lubida cu e ccho mester ta den sombra, locual ta importante.

Esey kiermeen no faya sino e doño por spera boet. Esaki ta e luho pa ora tin cacho na cas.

A lubida di menciona si acaso bo faya cu bo cacho, ta confisca esaki y ta hiba e cacho na un shelter ”.

Pero kico ta di e ser humano cu a cay den droga y cu ta wordo yama choler y cu ta molester pa famia y comunidad?

“Polis ta bay atende cu e choller y locual por hasi, ta core cune for di e sitio. No tin ni un solo “Shelter” na unda patruya di polis por hiba e choller pa e por haya coi bebe/come,  haya atencion, lugar pa drumi y pa sosega bao di un dak.”

Segun e lector, e momento a yega pa entre otro, “Formador” , parlamentarionan actual y esnan cu lo sinta den futuro cercano, cuminsa pensa den e direccion aki.  Ta trata  di sernan humano.

Nan tambe mester di un lugar respectable di biba, cu cuminda tur dia, y dak riba nan cabez. Si ta haci esaki pa cacho y pushinan, ta importante pa pensa  cu tin hendenan tambe “riba caya” y cu mester di mes y mihor trato ainda pasobra nan ta hende.

E lector ta bisa di ta spera di haya reaccion di lectornan pa habri discusion riba e topico aki.

“Chollernan tambe ta ser humano y merece di wordo trata mil biaha mas ,mihor cu e “ley di cacho”, e a termina cune.

- Advertisement -

DUNA COMENTARIO

Please enter your comment!
Please enter your name here