Home Parlamento Lo duna aspecto di seguridad hopi atencion

Lo duna aspecto di seguridad hopi atencion

10
0
SHARE
- Advertisement -

Rocco Tjon:

ORANJESTAD (AAN)– Diabierna ultimo, Aruba a huramenta su parlamento nobo, su di dies parlamento, caminda cu a papia cu Sr. Rocco Tjon, parlamentario pa partido MEP, y a puntr’ e pa su vision y kico ta su perspectiva den e trabao nobo aki.

“Mi tin un deber pa traha pa pueblo awor den mi carera nobo”, segun Sr. Rocco Tjon. E tabata un dia hopi bunita y ta e comienso di un carera politico. E no tabata den parlamento si no tabata door di e sosten di e pueblo y lo paga nan bek, door di traha duro na bienestar di Aruba.

Tres cos a resulta durante campaña, ta e aspecto di siguridad, y for di parlamento tur parlamentario lo duna esey nan atencion. Tambe a resalta cu tur hende kier un politica nobo, na nivel y al caso. Como parlamentario, nan lo asumi nan responsabilidad di controla e gobierno tambe y zorg pa nan ehecuta e plannan cu nan a bisa cu nan a bisa di lo ehecuta.

Husticia segun Sr. Tjon, mester haya su atencion. Manera a bisa durante campaña, loke lo bay enfoca ariba dje ta e parti di prevencion, pa asina percura pa e problemanan social haya su atencion, ya cu eynan e parti criminal ta cuminsa. Tambe lo bay percura pa nos costanan, pa esey tambe haya su debido atencion, percura pa nos costanan ta mas cera.

Sr. Tjon a sigui bisa cu no mester lubida e parti organisatorio caminda cu mester percura cu cada organisacion en cuestion, funciona manera mester ta, percura pa nan haya e materialnan cu nan mester. Pa e structura di e organisacion, uno, caminda cu nan por cumpli cu e demanda cu ta wordo spera di nan.

Desde diabierna, Sr. Tjon a bay oficialmente cu non- actief y e proximo minister di husticia. ken cu e por ta, lo mester percura pa e posicion wordo habri. E organisacion cu aworaki cu mester di mas atencion di husticia, banda di Cuerpo Policial ta nos Instituto Coreccional.

Te cu recien, Sr. Rocco Tjon tabata director di nos Instituto Coreccional, y Sr. Tjon a splica cu, manera cu ora cu e bay cu vakantie, semper tin un persona cu ta keda na su luga. Aworaki cu el a drenta parlamento, su waarnemend, Mayoor Quant ta e persona cu lo keda encarga cu Instituto Coreccional (KIA) y p’esey e ta boga pa solicitud por wordo habri, caminda cu Sr. Quant tambe por solicita riba e funcion ey.

 

- Advertisement -

DUNA COMENTARIO

Please enter your comment!
Please enter your name here