Home Labor Magali Brito ta mustra cu Empleadonan Publico na Aruba ta funciona bon

Magali Brito ta mustra cu Empleadonan Publico na Aruba ta funciona bon

46
0
SHARE
- Advertisement -

ORANJESTAD(AAN): Hopi hende den comunidad tin biaha ta cuestiona e productividad di un empleado publico. Tin hende ta bisa cu e hendenan aki ta traha pa Gobierno, nan no ta worry, nan ta yega mainta, nan ta lesa corant, nan no ta worry pa duna servicio, ora nan caba di lesa corant, e ora nan ta duna servicio. Ti biaha hasta hendenan ta generalisa. Berdad por ta tin algun cu no ta cumpli cabalmente, pero mayoría sigur, ta cumpli. Hasta ta worde bisa cu sector priva ta mas productivo cu sector publico

Magali Britto, secretario general di SEPPA, a comenta cu e no ta comparti e pensamento aki. Segun e ta splica, empleadonan publico ta funciona. E unico cos cu tin situacionnan isola, cu ta crea e percepcion cerca hende cu tur empleado publico lo no ta funciona. Sin kita afo, ta un keho cu sindicato ta trece padilanti tambe ta, cu pa e trahado por funciona, mester por tin e toolsnan pa e por funciona.

Tur mecanismo tambe mester ta na luga. Ta asina cu bo ta topa cu diferente departamento di cual cu eigenlijk bo ta haya tambe cu procesonan no ta cuadra. E ora cierto momento e trahado ta stanca y ta bisa cu te ora cu no bin cu un proceso cu ta protehe como empleado publico, e ora eynan, e no ta sigui bay den e tipo di proceso aki. Cierto momento ta pasa nan over pa e hefenan. E ora e hefe ta rabia, nan ta bisa cu ta e trahado no ta funciona, etc.

No ta asina, manera cu e percepcion asina grandi cu tur empleado publico no ta funciona y ki ora cu bay ta haya nan cu corant, of algo asina. Ta haya tambe manera tin departamento of servicio di cahera, cu cierto oranan net, nan tin cu cuminsa habri caha, nan tin cu funciona, etc.

Si mira e rijnan largo cu nan tin cu atende, cierto momento, fuera di nan derecho riba un pauze cortico, e hende ta rabia. E tin un derecho pa un descanso cortico. Lamentablemente e por ta den cierto momentonan cu hende ta haya nan involvi, y nan ta generalisa e opinion eynan.

Nos ta biba den un cultura di cual tur hende conoce otro y hopi biaha ta tene man cu politiconan y hopi biaha tambe, ora cu ta den Gobernacion, ta core bay directamente cerca e politico, wak te unda por yuda e trahado.

Ta asina verdad, ta keho di diferente hefe ora cu ta hala atención di un of otro forma di nan trahadonan, cu nada no ta sosode. Por ta claimnan ta bay den lachi, of si algo sosode mes, nan ta keda desapunta pa e decision cu ta worde tuma na nivel di Gobernacion. Pesey cierto momento mucho cos no ta worde haci.

Ta asina cu berdad cu no tur trahado ta mesun cos. E ta asina verdad cu tin trahadonan cu cierto momento ta comete fayo y e ta tuma rato hasta pa sindicatonan por papia y mustra nan rib esakinan. No tur biaha nan ta keda contento, pa motibo cu ningun hende no gusta tende unda caminda cu ta comete foutnan.

Pero tambe den gran mayoría tin cu bisa, cu e trahadonan na final ta keda contento cu e consehonan cu nan ta ricibi y principalmente, cu ta alerta nan pa den futuro, pa tip di accionnan cu nan ta tuma, no sosode mas, pasobra esaki por conduci na cualkier otro medida. Toch ta haya cu esaki, den e ultimo añanan a calma hopi.

Principalmente e departamentonan cu e procesonan no ta full regla, no ta na nan luga. E procesonan tambe tin reorganizacionnan andando y no ta kedando cla, pasobra e hendenan aki nan ta keda den un reorganizacion bieu y esun nobo y den esun nobo tin diferente cambio y tambe cambionan cu ta hiba nan dilanti. Nan lo kier keda cla.

Bo ta haya principalmente e gruponan caminda cu manera Douanero, Polis, un grupo hopi importante cu ta maestronan, tambe ta cosnan cu bo mester pone cosnan na nan luga, sino na caminda, como país Aruba, nos ta bay haya problema serio. Principalmente den e sector di educacion, tin hopi trabao pa keda cla. E trabaonan aki mas enfasis pone riba dje, mas miho.

Mas miho servicio tambe, miho educacion, pero eynan tambe lo tin un tarea pa Gobierno, pa motibo cu mester bay percura pa tin mas school, mas localidad, mas maestro. Pero tambe pa tin mas continuidad, mas control, mas guia. No tanto na e maestronan, pero na un nivel di gerencia, di cual cu ta yuda esnan na cabes tambe cu por miho.

Si bay wak cua departamentonan tin mas urgencia, ta principalmente esnan cu ta cay bao di husticia, cu ta traha, den transporte tambe. Eynan tambe tin trabao cu tin cu worde haci pa combati diferente cos. Por ehempel ilegalidad, transportenan ilegal, e problemanan cu ta presenta cun’e. Bo ta haya tambe mescos na Dimas, departamento di Labor cu mester di mas control, mas persona cu e preparacion suficiente pa por haci control y tuma medidanan tambe pa asina percura pa tur hende ta cumpli cu nos reglanan.

- Advertisement -

DUNA COMENTARIO

Please enter your comment!
Please enter your name here