Home Beyeza Marajah Heronimo di 17 aña a feita full su cabez como sosten...

Marajah Heronimo di 17 aña a feita full su cabez como sosten pa esnan sufriendo di cancer

461
0
SHARE
- Advertisement -

Hopi balentia!

ORANJESTAD (AAN): Marajah Heronimo, ta un di e finalistanan di e certamen di Miss Teen Aruba 2016.  E ta un dama hoben bunita, y cu alavez a gana e titulo di ‘best body’ durante e certamen.  Semper bo por mire cu su cabey bunita.

Sinembargo e sa, cu bida ta un rato so… Dialuna marduga cu a pasa, Marajah a mira un programa di TV, cu a relata encuanto cancer y perdemento di cabey. Y algo a drenta den su pensamento, cu e mester feita su cabey como un gesto pa e persona nan cu ta batayando cancer, cu a fayece y tur e sobrevivientenan.

E mesun marduga el a contact su mentor y organizador di e certamen, esta Robin Ponson, y a splike loke e kier haci.

Ponson a scucha su mensahe, y a puntre e mesun marduga: “Marajah, bo ta sigur?”

Marajah a conteste, cu un “si” afirmativo!  Pues e tabata cla pa e reto! Cu e ta dedica esaki na Mary Joan Foundation Aruba, tur e sobrevivientenan, esnan luchando, y esnan cu ya a bay laga nos.
DIARIO a compronde, cu for di eynan, eynan tur cos a cuminza!  Como cu esaki ta Pink Ribbon Cancer Awareness Month, Robin a contact Mary Joan Foundation pa informa nan di e gesto aki.

Asina e wiel a sigui lora, y a haya cooperacion di Mirrors Beauty Academy by Edgar G Kock, kende a haci esaki posibel.

E no tabata facil, pero pa Marajah, e tabata algo cu su curazon a bise pa haci. Marajah awor tin un admiracion grandi pa e personanan cu ta sufri di cancer, y cu ta perde nan cabey durante e fasenan di tratamento.

Diasabra mainta na sede di Mirrors, rondona pa e organizador di Miss Youth Aruba, como tambe demas amiganan candidata, y tambe un persona cu ta pasando den e fase di tratamento, a corta e cabey completo di Marajah.

El a keda pelon.  Pero su beyeza ta sigui briya na un forma fenomenal, danki na su sonrisa sin igual.

“Aki pa mi suerte mi a topa señora Rosa. Y su palabra nan a touch mi curason mas ainda,” Marajah a indica.

Marajah a yuda Diasabra hunto cu demas candidatanan di Miss Youth Aruba 2017, pa collect placa pa Mary Joan Foundation riba caya. Na final di e collect, pa su sorpresa, ata señora Rosa y Presidente di Mary Joan Foundation, señora Arabela, a bin revela na Marajah, cu e lo tin e honor pa habri e pasarela durante e Pink Fun Walk di Mary Joan Foundation cu ta dia 29 di October venidero.

Marajah ta manda un palabra di gratitud na Robin, Comision di Miss Youth Aruba, tur e reinanan di Miss Youth Aruba, Ginayla, Jermaine, Laury, Edson, Edgar, Cherelle, y e estilista di Mirrors.

Den un declaracion pa DIARIO, Robin a bisa: “Marajah, no tin palabra pa mi bisabo con proud mi ta dibo, e gesto lo keda graba pa semper den nos curazon y cabey sigur lo crece back! You are a BRAVE little girl”

- Advertisement -

DUNA COMENTARIO

Please enter your comment!
Please enter your name here