Home Policial Maritiem Polis a evita piscamento pisa den awa teritorial di Aruba

Maritiem Polis a evita piscamento pisa den awa teritorial di Aruba

389
0
SHARE
- Advertisement -

A traha mas di 4 ora pa saca mas di 30 boei cu liña for di lama

ORANJESTAD(AAN)– Ayera mainta Maritiem polis a haya informacion di parti Kuststation cu algun piscado local ta piscando mas o menos  9 miya pazuid di Aruba y nan ta mira algun boto venezolano ta piscando y tira palamber den nos awa territorial.

Maritiem polis a cuminsa prepara y a yama RCC Curacao pa controla via radar si e boto nan aki ta den nos awa y si por guia Maritiem polis na e position.

RCC a controla y a resulta cu net e boto nan a cuminsa move bay bek zuid pa drenta awanan di Venezuela. A keda monitor nan movecion.

Un ora y diez minuut di e prome “informe” ricibi, pa mas o menos 11:30 or, RCC a meldo bek na Maritiem polis cu actualmente nan ta wak e botonan ta bolbe den  awanan di Aruba den direccion di e posicionnan unda probablemente a tira e palamber nan.

Maritiem a sali mesora y RCC a guia nan direccion di e contactnan. Yegando cerca, Maritiem a constata hopi boei ta drief y tur tabatin otro color y bandera.

Tabata tin 2 boto Venezolano na e sitio y ora nan a wak boto di polis, nan a bay full speed zuid ,direccion awanan di Venezuela.

Maritiem a persigui tur 2 boto y duna na señal pa para pero e boto nan aki no ta para ni sigui ordo di polis. Den 1 boto, maritiem a wak 4 persona. Nan tabata busca obheto duro y te hasta 1 a coge cuchio pa prepara pa e polis nan ora di aborda e boto.

Despues di algun minuut di persecusion RCC ta meldo Maritiem polis cu nan ta bay drenta awa di Venezuela.

Na un distancia Maritiem polis tambe a wak guarda costa Venesolano ta bin direccion di e boto di polis. Door cu e botonan a logra drenta awa di Venezuela , Maritiem no por a sigui persigui nan.

Maritiem a bira bek y bay direccion di e palamber nan den nos awa. Como cu ningun boto venezolano kier a para responsabel pa e piscamento ilegal den nos awa Maritiem a saca tur e palamber nan di lama.

Di un cuarto pa diezdos merdia te 4 or atardi personal di Maritiem polis a keda saca liña y boei for di awa. A coge un total di mas di 30 boei cu liña y algun mester a corta.

- Advertisement -

DUNA COMENTARIO

Please enter your comment!
Please enter your name here