Home Politica MEP a realiza cu situacion financiero di Aruba ta hopi mas serio...

MEP a realiza cu situacion financiero di Aruba ta hopi mas serio cu hende ta pensa

473
1
SHARE
- Advertisement -

Reunion cu Informador a pone cu

ORANJESTAD (AAN): Dialuna lider di partido MEP Evelyn Wever-Croes y presidente di partido MEP dr. Gerrit Croes a reuni cu informador sr. Arie Swaen.

Durante e reunion di parti di partido MEP a duna di conose e disponibilidad pa yega na un coalicion cu base amplio.

Durante di e reunion e delegacion di MEP a ricibi hopi mas informacion cu ta mustra cu e situacion financiero di pais Aruba ta hopi mas serio cu a spera.

“Nos sa cu gobierno di Mike Eman ta violando ley y no a presenta e presupuesto 2018 na Parlamento na tempo. Pero loke nos no tabata sa ta cu tin un deficit di 175 miyon Florin den e presupuesto ey, siendo cu segun e ley di CAFT cu gabinete Mike Eman mes a bin cun’e, pa 2018, mester tin un surplus di 25 miyon Florin. Kiermen, cu pa 2018 nan tin premira 200 miyon mas na gasto cu ta permiti. Esaki naturalmente ta un problema serio, pasobra ta con bo ta bay sera e buraco financiero di 200 miyon pa otro aña?

Loke ta haci e situacion mas serio ainda, ta cu pa aña 2017 tambe gabinete Mike Eman a sobrepasa nan presupuesto, tambe cu sumanan astronimico cu e campaña politico miyonario cu nan a hiba. Y e cuenta aki mester worde presenta ainda na pueblo. Na final di dia ta e ciudadanonan di pais Aruba mester bay paga pa e gastonan aki.

Naturalmente ta hopi iresponsabel di Mike Eman, Angel Bermudez y henter e gabinete, pa benta e problemanan serio aki awor den scochi di un gobierno nobo. Mas aun, ami ta di opinion cu esaki ta un crimen contra nos comunidad cu nan mester worde teni responsabel pe.

Cumpliendo cu deseo di pueblo pa un coalicion, partido MEP lo sigui pone esfuerso den realisa esaki, apesar cu ta un tarea sumamente dificil pa drenta gobierno y soluciona tur e problemanan cu gabinete Mike Eman a crea. Nos ta carga nos responsabilidad pa ofrece Aruba un gobierno integro, transparente, innovativo y cu ta trata finanzas publico di nos pais na forma mas responsable. Esey tabata nos compromiso cu nos pueblo y nos lo percura pa cumpli cune

- Advertisement -

1 COMMENT

  1. Awel bo no mester a priminti cos cu bo no por cumpli pa core campia (typisch mep). Awor stop di keha i traha awo!!
    Ta manera futbol,Fasil pa crita for di trubina pero ora bo mes ta riba veld ta full diferente.

    Si bo no por handel e situacion , laga otro sinta den gobernashon.

DUNA COMENTARIO

Please enter your comment!
Please enter your name here