Home Parlamento Mester a sigui cu un reunion publico pa por trata e asunto...

Mester a sigui cu un reunion publico pa por trata e asunto di hospital cu tabata pendiente

175
0
SHARE
- Advertisement -

Marisol Tromp:

ORANJESTAD(AAN): Parlamentario Marisol Lopez-Tromp tabata tey presente durante un reunion cu a tuma luga den Parlamento. Ta un comision central cu tin di haber cu hospital y extra fondo cu tin mester pa e proyecto aki.

E parlamentario tabata basta skerpi durante e reunion aki. El a comenta net na bispo di cambio di Gobierno ta haya cu minister demisionario dr. Schwengle, ta manda un carta pa parlamento, y duna un aprobacion den e caso aki di su surpaso di miyones riba un proyecto di renobacion di hospital, cual porcierto ainda na Parlamento tin un reunion publico habri cu no a caba di dos aña pasa, di tempo cu e tabata presidente, a pidi un rapport y no a ricibi esaki te cu awe.

E tempo ey a pidi un investigacion y esaki lo mester a wordo duna na parlamento y ainda no a ricibi’e. Y net awo prome cu e baha, ta pidi parlamento pa aproba loke a sobregasta, sin cu tin un bista den e documentonan aki. A base di dos carta e ta kere cu por convence parlamento pa esey.

Ta riba esaki Lopez-Tromp a duna un splicacion cu ta un reunion publico mester a sigui, caminda cu ta duna un amplio splicacion pa sea haya un aprobacion of un desaprobacion di tanto miyones cu a wordo traspasa. Aki a bin un discusion pasobra e fraccion di AVP ta haya cu dos carta cu nan ta haya ta suficiente pa aproba y Lopez-Tromp ta haya cu esaki ta iresponsabel.

Extra fondo

No a hustifica e extra fondo aki na parlamento. Na su luga ta pa un minister duna cuenta na Staten y ora surpasa, sea begroting of sea cu ta haya cu ta hustifica mes, cu b’a surpas’e, e ora bo ta bin splica den parlamento, e ora por haya un bendicion of ta bisa cu ta haya cu no ta di acuerdo.

Awo na bispo di cambio di Gobierno, bo ta un minister demisionario, ta core manda carta den pura, cu algun documento pega na dje, cu no ta encera henter e splicacion di e proyecto riba su mes. Ta loke cu a pidi na presidente di Staten, cu esey kier haci, yama un reunion publico pa trat’e. Pero no bin den un comision central cu apenas algun miembro cu algun carta chikito y den e carta aki tin cu bay di acuerdo cu tur loke a surpasa y dune un blessing pa tur loke a wordo haci.

Como parlamentario, dunando respet na nan mes, tin cu haya un splicacion hopi mas amplio.

Consehabel

A caba di conseha presidente di Staten, pakico el a pone riba agenda. Pasobra falta algun dia pa e parlamento nobo wordo instala y par di dia pa tin un gobierno nobo. Algun tempo pasa, laga presidente bin den un reunion publico, continua su reunion, duna splicacion, pero esey no a sosode.

Esey tabata e sugerencia di Marisol Lopez-Tromp, cu awor aki aparentemente tambe ta laat pa esey. Minister Schwengle tin su ultimo siman, cu e ta minister demisionario y ta haya cu riba un topico di un embergadura asina grandi, cu e mester a bin parlamento y clausura e reunion cu for di dos aña pasa cu a keda habri y duna parlamento e rapport di e investigacion cu wordo pidi.

 

 

- Advertisement -

DUNA COMENTARIO

Please enter your comment!
Please enter your name here