Home Noticia Internacional Minister Yrausquin c a atende debate den Tweede Kamer tocante Gobierno...

Minister Yrausquin c a atende debate den Tweede Kamer tocante Gobierno nobo di Hulanda

90
0
SHARE
- Advertisement -

ORANJESTAD(AAN)– Informacion for di gabinete di Minister Plenipotenciario di Aruba na Hulanda ta menciona cu dDen Tweede Kamer di Hulanda a tuma lugar ayera un debate riba e raport final di Informador Gerrit Zalm. Esaki despues cu diamars ultimo e cuater partidonan cu lo forma e coalicion nobo, cu ta VVD di Mark Rutte, CDA di Sybrand Buma, D66 di Alexander Pechtold y ChristenUnie di Gert Jan Segers, a presenta nan programa di gobernacion basa riba e tarea di Informador Zalm.

Demisionario Minister Plenipotenciario Juan David Yrausquin a presencia e debate aki pa mira di cerca con parlamento di Hulanda ta anda cu e proceso pa formacion di un Gobierno nobo. Ta Tweede Kamer ta apunta un informador of “verkenner” pa cuminsa sondea e posibilidad cerca e partidonan pa yega na un coalicion. Antes esaki tabata wordo haci pa La Reina. ‘Ta hopi interesante pa mira y sigi e proceso aki y sigur por siña dje,’ asina e mandatario a bisa.

Lider di VVD y actual Prome Minister Mark Rutte a keda apunta como formador y awor lo bai cuminsa na busca candidatonan pa e diferente carterenan den su Gobierno

Minister Yrausquin a bisa tambe di ta contento pa mira cu Reino Hulandes a haya hopi atencion den e programa di gobernacion di e futuro Gabinete Rutte III, compara con esaki tabata ta den e programanan di gobernacion den pasado.

Na final di e debate Minister Juan David Yrausquin a felicita e cuater lidernan di partidonan cu ta forma e Gobierno nobo di Hulanda.

- Advertisement -

DUNA COMENTARIO

Please enter your comment!
Please enter your name here