Home Noticia Internacional Ministro demisionario Ronald Plasterk ta denuncia politico di St. Eustatius Clyde...

Ministro demisionario Ronald Plasterk ta denuncia politico di St. Eustatius Clyde van Putten

140
0
SHARE
- Advertisement -

“Politico caribense kier mata nos soldatnan!”

ORANJESTAD(AAN)—Segun informe di Agencia Hulandes di Noticia ANP  cu a wordo publica den difeente coran na Hulanda, na Hulanda a wordo reacciona masha rabia riba expresionnan di e politico caribense Clyde van Putten , lider di e partido progesivo di labor
P.L.P.   Van Putten a expresa su mes na un manera menasante contra Den Haag.

“Si bo manda militarnan , nos lo mata nan y nos lo kima nan den cayanan di St. Eustatius, van Putten a laga sa recientemente. El a laga sa cu  anteriormente el a bisa ministro demisionario di relacionnan di Reino, Ronald Plasterk di esaki caba.

Aunke van Putten no a specifica si ta trata di solamente miliarnan cu kier tuma tur cos over of cu ta trata tambe di  soldatnan cu a wordo manda pa yuda e isla den reconstruccion despues di orcan Irma , cla ta cu e expresionnan a bay mucho leu segun e noticia di ANP.

Plasterk a laga sa mientras tanto di lodenuncia Van PUtten. “El a bira completamente loco y denuncia ta wordo haci. E expresionnan aki no ta aceptabel.”

Van Putten ta conoci como un politico cu tin masha poco apecio pa Hulanda. E ta desea mas autonomia y ta mira metemento di Den Haag como “colonialismo di Hulanda”.

” Increibel. Nunca antes mi a experiencia algo asina”, segun Miniser Plaskerk cu a keda geschocked pa e expresionnan di e politico caribense cu lo a haci yamada pa mata y kima militarnan Hulandes.

E expresin a wordo haci door di Clyde van Putten den un video cu e ministro hulandes mester ta pepara pa ora e militarnan Hulandes yega su isla. “Nan ta wordo mata y kima den cayanan di Sint Eustatius”.

Ta ayera e Ministro demisionario Hulandes a tende di e expresionnan y a dicidi pa haci denuncia. “Mi a dicidi di denuncia esaki. E ta un caso policial y di Ministerio Publico. Esaki ta instigacion pa violencia y Polis y Ministerio Publico mester tira un bista den esaki”, el a laga sa.

Van Putten pa basta tempo ta lucha pa independencia di Sint Eustatius y Plasterk no tin idea di con e por a bay asina leu cu su palabranan. “Mi no ta sikiatra. Pero tin un hilo los un caminda.

Parti SP a entrega preguntanan na Tweede Kamer y otro miembronan di Kamer ta masha rabia. Andre Bosman di VVD cu nunca a gusta e islanan caribense tampoco a laga sa cu mester tuma paso pisa contra van Putten. “Menaza di nos militarnan cu morto ta absolutamente inaceptable” , Bosman a laga sa.

- Advertisement -

DUNA COMENTARIO

Please enter your comment!
Please enter your name here