ORANJESTAD (AAN): Polisnan diasabra marduga a wordo dirigi cu urgencia pa un asistencia reporta.
Ta asina cu un persona a yama reporta na Central di polis di a localiza un muher mey mey di caminda drumi y e muher ta bisti cu paña di abao. E muher a declara di a wordo secuestra.
Central di polis a dirigi patruya Oranjestad na La Salle straat na altura di e cruzada forma di Van Leeuwen hoek straat y pa un cas di secuestro.
Na yegada patruya a papia cu e muher di inicial T. cu a declara cu el a bay hunto cu un homber cas di e homber. E anochi ey el a conoce e homber den “Water Gate”.
T no sa nomber di e homber pero e sa si, cu e homber ta biba den Kamerlingh Onnestraat.
E homber desconoci a duna T. lift pero envez di esaki e homber a bay su cas cune. Yegando na cas di e homber e homber desconoci aki, a trata di kita su paña. E muher T. a spanta pa e actitud di e homber y T a dicidi di core subi caya. E muher T. tabata bao influencia y polis a hib’e warda di polis Oranjestad pa e por suminsitra mas informe relaciona cu e sucedido.
