Home Policial Muher burachi a kibra auto riba baranca siendo su yiunan ta cune

Muher burachi a kibra auto riba baranca siendo su yiunan ta cune

311
0
SHARE
- Advertisement -

ORANJESTAD (AAN): E golpi a sona masha duro mes!  Asina a cuminza drenta yamada na Warda di Polis, indicando cu riba Avenida Watty Vos banda di ex-edificio di Texas Furniture Store tin un accident.

Esaki a socede Diahuebs anochi, y mesora Polisnan a acudi na e lugar di accident, y aki a bin topa cu un Hyundai Accent color blanco cu number A-11437 pega riba baranca.

Ta asina cu e chauffeur femenino tabata yegando riba un velocidad basta  halto for di zuid perde control dal den e baricadanan temporal, pa despues riba e baranca. E auto a keda completamente destrui dilanti.

Pa colmo e chauffeur cu ta un muher burachi, tabatin dos yiu chikitoden auto.

Ora cu Ambulans a yega, algo increible a socede.  E muher a prohibi personal di ambulance cu nan no mag di “mishi cu su yiunan”, paso nada no a pasanan, pero e impacto fuerte ta mustra sigur e muchanan lo a haya un golpi.  Aki mes autoridad a haya e actitud di e mama hopi raro, cu e no ta laga Paramediconan check e muchanan.

Despues cu e Ambulance a bay, e muher a cuminza keha di dolor na curpa. Pero na su comportacion, Polis a cuminza sospecha cu e ta bao di influencia.  Pesey polis a saca nan Alcohol-Tester, y a pone supla.  E test aki a sali malo pe, y pesey automaticamente el a keda deteni debi cu e ta bao influencia di alcohol, coriendo burachi cu su criaturanan den auto.

Polis a manda busca e Vehiculo Special pa asina transporta e muher pa Warda di Polis.  Un famia a keda di bay cu e muchanan.

- Advertisement -

DUNA COMENTARIO

Please enter your comment!
Please enter your name here