Home arte y espectaculo Musical RENT di Broadway den Cas di Cultura

Musical RENT di Broadway den Cas di Cultura

96
0
SHARE
- Advertisement -

ORANJESTAD (AAN) – Den Cas di Cultura a wordo teni un conferencia di prensa dirigi pa e director sra. Vicky Arens, y tambe a hiba palabra sra. Mirla Passchier.

E informacion ta e binimento di e Rock Musical di Broadway RENT na Cas di Cultura. Sra. Arens a expresa cu Cas di Cultura ta sumamente contento di por haci e presentacion aki, no nan so, pero hunto cu Muse Theater & Events y e sponsors cu lo yuda patrocina e evento.

E evento aki ta importante pa nos scolnan por haya mas historia tocante Broadway y e actornan profesional cu ta canta, balia y actua, ya cu un musical tin di haber cu multitalento.

Sra. Arens a menciona tambe cu e partnernan na New York pa e evento aki ta On the Quays cu ta un compania di teatro cu un grupo di actornan cu ta bin, specialmente, pa e motibo aki, y nan tur tin nan habilidadnan profesional.

E Rock Musical RENT a coi hopi fama na fin di añanan 90 y aworaki a realiza mas di cinco mil presentacion internacional.

E evento aki, lo ta na Cas di Cultura e dianan 1,3,4 y 5 di November pa 8’or di anochi dia 1 di November, y 3, 4 y 5 pa 7’or pm.

Arens a subraya cu e ta spera cu pueblo di Aruba probecha di e oportunidad aki, y nan a haci hopi esfuerzo pa yega na e momento aki.

E ta un evento pa personanan di 14 aña di edad bay ari

ba y den edad mas abao mester bin compaña cu nan mayornan y haya splicacion di e temanan, cu por resulta un tiki controversial, pero cu tog ta cosnan cu tambe ta presente den nos comunidad.

Temanan ta entre otro: malesanan sexualmente transmisible, droga, cu talvez como artista nan por lucha cune, y cu aunke ta temanan delicado kizas, nan no ta straño pa nos comunidad.

Tin algun artista local cu tambe ta bay forma parti di e musical aki cu locual sra. Vicky Arens a indica cu nan ta hopi contento.

Sra. Mirla Passchier ta miembro di Muse Theater & Events, cu ta partner den e evento aki, y e ta considera e musical aki como algo historico, cu pa prome biaha lo wordo presenta den Cas di Cultura. El a subraya cu nan ta spera di por atrae un grupo nobo cu nunca a wak un espectaculo asina, y el a gradici e s

ponsornan cu sin nan aporte financiero e evento aki lo no tabata posible. Nan ta UNOCA, Prins Bernard Fonds, VNO, Cas di Cultura, entre otronan.

El a agrega cu nan tin e meta di haya dos mil studiante pa bin presencia e show, locual ta hopi importante pa

e temanan social cu nan por refleha den nan. Aworaki tin mil studiante y nan lo ta hopi contento si logra e meta di e dos mil studiantenan. Ticketnan ta disponible, entre otro, na Cas di Cultura mes.

- Advertisement -

DUNA COMENTARIO

Please enter your comment!
Please enter your name here