Home Turismo Na Manchebo Beach Resort Women’s Club of Aruba a cera siman...

Na Manchebo Beach Resort Women’s Club of Aruba a cera siman di nos grandinan

18
0
SHARE
- Advertisement -

ORANJESTAD(AAN)— Diahuebs dia 5 di October pa 9.30 or di mainta busnan a yega cu nos grandinan cu un alegria riba nan cara na Manchebo Beach Resort pa nan pasa un mainta agradable.

Fofoty Tours y All Stars tours a coopera cu nos cu bus, tambe Stichting Funari y Chogogo tours cu nan rolstoel bus.

Despues cu nan a worde ricibi cu un welcome drink fiesta a cuminsa y Francis Jacobs a entretene cu su cancionnan bunita,y por a mira nos grandinan   balia y goza. Despues nan a goza di un delicioso lunch obsequia como donacion door di Manchebo Beach Resort. Un danki di curazon pa e bunita gesto.

Y cada un di e grandinan a haya un bunita regalo pa bay cas cu ne cortesia di Manrique Capriles. Varios regalo a worde rifa entre e trahadornan di Manchebo y e begeleidernan di e tres cas nan.

Welfare Committee di WCA a keda hopi contento cu tur e yudansa di e otro voluntarionan. Un danki di curazon na Roxanne, Calixta y Ivy cu a percura pa nos grandinan por a bini. Sin boso esaki lo no por tabata posibel. Un danki especial na e sponsornan pa asina nos por a logra duna nos grandinan alegría y felicidad.

Danki na sra. Emperatriz Perdomo pa e bunita potret nan.

- Advertisement -

DUNA COMENTARIO

Please enter your comment!
Please enter your name here