Home Politica “Nos tin e disponibilidad pa sint cu MEP wak si por yega...

“Nos tin e disponibilidad pa sint cu MEP wak si por yega na un base real di 18 asiento”

601
0
SHARE
- Advertisement -

Mike de Meza:

ORANJESTAD (AAN) – Minister di Finanzas (demisionario) sr. Mike de Meza, a hiba palabra den un conferencia di prensa relaciona cu e proceso di informacion pa formacion di Gobierno, cu a bin ta tumando lugar.

De Meza a indica cu enberdad AVP a wordo invita pa bay cerca Informador, pero ya caba dia 22 y 23 di September, despues cu e resultadonan tabata conoci, por a scucha lidernan di e partidonan di oposicion, menciona cu nan kier forma un gobierno hunto, lagando Partido AVP afo.

“Nos a tuma invitacion di Informador na serio, mas cu nos tabata tin informacion caba cu, aparentemente, MEP, POR y RED tabata combersando. Di un banda esaki ta cuestiona y trece duda den e proceso di informador pasobra bo lo a verwacht cu e proceso aki lo a tuma lugar prome, pa despues bay cerca Gobernador bek, pa por a wak si e ora ey e partidonan lo por a sinta na mesa y yega na cierto entendimento”, Mike de Meza a señala.

En todo caso, AVP a bay Gobernador y tabata tin dos punto den su opdracht pa wak si tin disponibilidad pa forma un gobierno, y e otro ta pa wak si tin disponibilidad pa haci un onderzoek.

“Riba e dos preguntanan ey nos a contesta, manera mi colega Dowers a bisa ‘hopi cla y raspa’ cu mirando e importancia di goberna nos pais, na un forma sostenible y stabil, nos ta mas cu disponible pa scucha, den e caso aki, e partido grandi cu ta MEP, pa nos sinta na mesa  wak si tin seriedad pa yega na un base amplio, real di 18 asiento”, Mike de Meza a subraya.

De Meza a agrega: “Tin decisionnan sumamente dificil, cu AVP mester a tuma, tabata tin decisionnan dificil cu partido MEP mester a tuma durante su periodo di gobernacion, y sigur durante e proximo añanan tin decisionnan dificil cu lo mester tuma y pa por haci esey, nos ta kere cu pueblo a split e votonan y no a duna un partido e mayoria absoluto, cu bo mester realmente mira si tin e posibilidad di traha den un base amplio, den e caso aki bo ta haya dos partidonan grandi cu un base amplio di 18 asiento”, de Meza a reitera.

El a subraya cu na fin di dia e mester ta algo serio, y nan mester por sinta na mesa y dialoga cu otro y mira e diferente programanan cu tin.

- Advertisement -

DUNA COMENTARIO

Please enter your comment!
Please enter your name here