Home Parlamento Nos tur ta biba riba e pais aki y nos tur kier...

Nos tur ta biba riba e pais aki y nos tur kier un miho porvenir

74
0
SHARE
- Advertisement -

Andin Bikker:

ORANJESTAD(AAN): Andin Bikker a felicita durante e reunion publico di Parlamento, e miembronan nobo cu e credencialnan a wordo aproba, cu hopi forsa y sabiduria. Tambe el a gradici tur e coleganan cu den e 8 añanan aki, a haci hopi cos por medio di Parlamento.

Pais Aruba ta un democracia hoben, hopi hende ta lubida esey. Nos ta un pais cu apenas 107 mil habitante, cual toch tin tur e responsabilidad di un pais. Nan ta co-legislador di un parlamento, nan ta legislador di un gobierno. Nan ta briya den mundo. E hecho ta cu esey tin su retonan cun’e. Hopi biaha den parlamento, Bikker, na un manera constructivo, a purba di mehora e producto cu yama parlamento. El a bin na 2010 apenas algun luna den parlamento y a presenta un concepto pa un reglement van orde nobo. Ta duna e parlamento nobo pa sigui riba dje, pasobra con cu bay bin, hopi biaha a papia eyden. A scucha hopi biaha di nivel di reunion, y pa un rato despues, e nivel bolbe descende. E reglement di ordo nobo lo contribui na hisa e nivel di parlamento unda cu por.

Ta considera e parlamentarionan nobo pa traha riba dje. Parlamento, den e 8 añanan cu Bikker tabata parlamentario, a propulsa cierto proyectonan hopi grandi. A traha por ehempel riba un concepto pa independisa Staten, conhuntamente cu e otro organonan halto, pa loke ta trata Algemene Rekenkamer, Raad van Advies. Ta un proyecto cu ainda ta andando, cu siguramente den e proximo parlamento den e constelacion nobo, lo sigui cun’e. Na final di dia, un parlamento, por controla gobierno, mester ta independiente di berdad.

Un di dos proyecto di ley cu a traha riba dje ta ombudsman, cu a wordo carga pa varios parlamentario y parlamentonan y cu awor aki ta den su fase final. E mester aprobacion di e parlamento aki y sigur un cambio di construccion, cual sigur tur fraccion tabata tin consenso riba dje.

Tambe a propulsa diferente proyecto via Parlamento cu hopi biaha ta Gobiernonan ta logra. A logra, via un amienda cu Bikker a presenta na 2010, cu awor aki tin apelacion te den casacion. No solamente a logra esaki como parlamento pa Aruba, pero a logra esaki pa Corsou y St. Maarten. Via nan esfuersonan riba nivel di reino, hopi biaha tin biaha, kisas ta wordo lubida, hopi cosnan grandi wordo logra y duna e consideracion na e parlamento nobo aki, pa por brase, pasobra riba nivel di reino, e leynan federal, por logra hopi cos, no solamente pa bo isla, pero tambe pa bo conciudadanonan, bo rumannan, cu ta biba na Corsou y St. Maarten.

Por ehempel tambe un proyecto cu tin pendiente ta e proyecto di Fast Ferry cu ta uni Corsou y Boneiro, cu ta wordo aplaudi.

Via instrumento di amienda, personanan ta lubida riba nan, cu e dimension eynan, ta un instrumento hopi poderoso. Como parlamentario por ehecuta pa por controla e Gobierno, no solamente esey, pero tambe duna direccion na e maneho cu e Gobierno, cua cu e por ta, si ta den oposicion of ta sosteniendo e gobierno, por via e instrumento poderoso di amienda y mocion, por siguramente por expresa y efectua un empuhe positivo pa bo pais.

Resumiendo Bikker a felicita un biaha mas tur parlamentario pa nan reto nobo. Sigur sa cu bida di politico no ta uno facil. Pero en todo caso e ta e tarea cu a scoge pe y Bikker pone nan den consideracion pa uza e hermentnan constitucional cu tin manera mocion y amienda pa por contribui na mehora pa nos tin un miho pais y cu Dios creador, bendiciona y ilumina nan tur, pasobra na final di dia, tur ta keda biba riba e isla aki y tur den nan curason kier pa tin un miho porvenir pa nos pais y pa e futuro generacionnan.

 

 

- Advertisement -

DUNA COMENTARIO

Please enter your comment!
Please enter your name here