Home Actividad Especial Opendag di Hof van Justitie pa publico

Opendag di Hof van Justitie pa publico

26
0
SHARE
- Advertisement -

ORANJESTAD (AAN)—Diasabra a tuma lugar un dia conoci como Opendag  di Hof van Justitie, caminda e publico por a cera conoci cu diferente di e departamentonan cu ta conecta cu e instancia aki.

Te hasta tabata posible pa e publico por a drenta e edificio di Ministerio Publico pa asina wak y admira di cerca, tur e departamentonan concerni. Den un sala a wordo prepara, lecturanan cu tin di haber cu e leynan di Aruba y a duna splicacion encuanto e trabaonan di Corte di Husticia.

Miembronan di prensa cu tabata presente, a haya e oportunidad di sinta cu alto funcionarionan, y delibera tocante  con lo por sigui traha cu otro, riba e mes un lina y claro respetando tur e ley nan cu tin, cu ta proteha tanto e sospechoso como e acusadonan.

Na e parti pafo a prepara diferente tent, pa asina por a scapa di e solo cayente cu tin den e dianan aki, mientras cu diferente presentacion a wordo ofreci na e publico, di tanto e cacho cu ta wordo entrena pa busca droga, arma y placa scondi. Tambe e team special di Polis, cu ta drenta den accion, ora cu mester bay cu man duro, tabata presente y a duna un amplio splicacion, con henter e team aki ta traha y pa kico nan ta train severamente.

Na final e muchanan a haya e oportunidad di ataca e team special aki, cu blasnan yena cu awa. Algo cu sigur e muchanan a disfruta un mundo.

- Advertisement -

DUNA COMENTARIO

Please enter your comment!
Please enter your name here