Home Comercio Otro siman ta cuminza e workshop “Di Agricultor pa Empresario”

Otro siman ta cuminza e workshop “Di Agricultor pa Empresario”

42
0
SHARE
- Advertisement -

ORANJESTAD (AAN): Iniciativa pa Desaroyo di Empresa Arubano (IDEA) conhuntamente cu Santa Rosa (Departamento di Agricultura, Cria y Pesca) ta organizando un workshop “Di Agricultor pa Empresario” pa agricultornan cu tin idea pa bira un futuro empresario.

E workshop lo consisti di 4 (mitar dia) di presentacion.

E dianan y ora pa e workshop ta lo siguiente:  (*) Dia 17 di oktober 2017 (diamars), orario: 1:00 – 4:30 p.m.  (*) Dia 19 di oktober 2017 (diahuebs), orario: 1:00 – 4:30 p.m.  (*) Dia 24 di oktober 2017 (diamars), orario: 1:30 – 4:30 p.m.  (*) Dia 26 di oktober 2017 (diahuebs), orario: 2:00 – 4:30 p.m.

Lo tin diferente facilitadornan local cu lo ta presente pa haci e workshop aki posibel. E facilitadornan cu lo representa nan departamento of compania ta lo siguiente: señora Yvette Geerman (Directie Volksgezondheid) sr. Rodney Bareño (Veterinaire Dienst), sr. Mario Maduro (DIP), señora Cindy Clark LL.M (Reliant Dutch Caribbean & Suriname), sr. Oliver Vieira (Qredits), señora Nathalie Maduro (Santa Rosa) y señora Judella Trim, señora Louella Croes-Ras y señora Mary Baarh (Departamento di Asuntonan Economico, Comercio y industria/IDEA & VVB).

Durante di e workshop lo tin diferente oradornan cu lo duna nan “Success Story” manera: Sr. James Ocalia (Goshen Sustainable Development Corporation.), Sr. David Kock (Cunucu Aruba Dushi Tera), Sr. Taino Heinze (Micro Greens), Sr. Urvin Leest (miSimia), Sr. James Ramos (Cunucu Di Jimmy) y Sr. Aurelio Ruiz (Hot Delight Gourmet Hot Sauce).

Workshop ta completamente GRATIS y ta tuma lugar na Departamento di Asuntonan Economico, Comercio y Industria na L.G. Smith Blvd 160, Sun Plaza, Piso 2.

Pa tur agricultor existente of cu ta den proceso pa bira un agricultor y cu kier atende e workshop mester inscribi via email: info@idea-aruba.com.  Cupo ta limita, nos ta wardabo!

Abo tin un Idea? Haci bo Idea realidad. Bishita Idea na Departamento di Asuntonan Economico, Comercio y Industria, na Sun Plaza di dos piso, y nan lo yudabo cu tur  informacion y guia necesario.

- Advertisement -

DUNA COMENTARIO

Please enter your comment!
Please enter your name here