Home General Pa awor tin paz laboral bek den RBC Bank pendiente Caso den...

Pa awor tin paz laboral bek den RBC Bank pendiente Caso den Corte

32
0
SHARE
- Advertisement -

Presidente di FTA sr.Hubert Dirksz:

ORANJESTAD (AAN) — Sindicato FTA y mediador di gobierno a reuni diahuebs anochi, tocante e situacion laboral cu a surgi na RBC Bank.

E motibo cu e trahadornan a tuma accion ta pasobra tin un articulo den nan CASO, cu ta regarda un plan di spaar, cu ta beneficia nan cu un interes mas halto cu tin riba mercado, y na dado momento e directiva di banco a haya cu e institucion no por carga esaki.

E partidonan a yega na un acuerdo di principio, cual tambe a pone fin na e welga di tres dia di e trahadonan di RBC Bank. Sr. Hubert Dirksz, Presidente di sindicato FTA a amplia e informacion.

“E protocol den e caso aki, no a keda cla den su totalidad. Esey a trece cun’e cu Diabierna mainta a tene un reunion cu e trahadonan, ya cu en principio nan mester a cuminza traha 8 or di mainta. Pero na momento cu e sindicato a yega, a bin ripara cu e protocol falta algo.

Esey a conduci cu e trahadonan no a cuminza traha pa 8 or, manera planea. A bay sinta bek na mesa, pa haci e protocol mas duidelijk pa tur hende compronde, pa evita mal entendimento. Esey a pone cu ta te banda di 11.30 or e partidonan por a firma e protocol” sr. Dirksz a menciona.

Entretanto, e trahadonan a bay di acuerdo cu e protocol y pa merdia nan tur a reanuda nan trabao, y cu esaki e situacion a normaliza na e banco.

“Banco a bisa cu e articulo di e savingsplan, cual kier a cambia, lo keda intacto. Pero si banco lo bay Corte pa den e caso aki, wak si e por haya Hues bay di acuerdo cun’e, pa no sigui paga riba e interes di e plan di ahoro. E interes cu e ta pagando, segun banco, no ta e interes di mercado.

Door di esey, e CAO ta keda vigente manera cu e ta, y e ta vence na December 2018 y awo banco lo bay Corte. FTA a pone un fecha termino pa e caso bay Corte y aki lo laga Hues duna su opinion riba e articulo ey. Pa aworaki tin paz laboral bek na RBC Bank”, presidente di FTA a duna di conoce.

E punto cu RBC Bank kier a saca afo, a wordo treci bek y e biaha aki nan a acepta. Aunke cu na momento cu a firma e CAO, e tin problema con e plan di spaar mientras cu e kier bay Corte pa haya sa, si dun’e razon si e mag di kit’e. Pero banco so no por kita, loke dos partido a firma. Pesey nan lo bay Corte pa wak si nan ta haya razon dilanti Hues, segun Sr. Hubert Dirksz, di FTA.

- Advertisement -

DUNA COMENTARIO

Please enter your comment!
Please enter your name here