Home Parlamento Palabranan di parlamentarionan nobo Ricardo Croes, Evelyn Wever-Croes y Otmar Oduber

Palabranan di parlamentarionan nobo Ricardo Croes, Evelyn Wever-Croes y Otmar Oduber

344
0
SHARE
- Advertisement -

Cu bista na futuro sin stempel Parliament:

ORANJESTAD (AAN) – Diabierna mainta, despues di a huramenta e miembronan nobo di Staten, e parlamentarionan nobo a hiba palabra.

Esun prome ta sr. Ricardo Croes ken a expresa cu el a tuma nota cu despues di 16 aña di tin un Presidente y un Vicepresidente di un solo partido, e muestra di democracia a cuminza ayera unda cu e presidente nobo ta den man di e partido grandi y e vicepresidente den un partido chikito cu ta POR. El a felicita mr. Bikker, pasobra un partido chikito, despues di 16 aña ta tuma e posicion di vicepresidencia di Parlamento. Croes ta mira esaki como un momento historico. Tambe el a duna pabien na partido MEP cu e Presidencia.

Ricardo Croes a bisa cu tambe pa RED esaki ta un dia hopi importante pasobra e biaha aki nan ta forma parti di gobierno tambe, nan ta sinta na otro banda di mesa den Parlamento, y pa su persona esaki ta un momento historico y a desea tur cos bon cu e retonan nobo.

Seguidamente sra. Evelyn Wever-Croes a tuma palabra y a expresa cu e dia aki definitivamente ya caba ta sinti e cambio, esun cu pueblo di Aruba, definitivamente, a pidi.

El a gradici sra. Mervin Wyatt-Ras como Presidente di Parlamento saliente pa e trabao cu el a haci, cual no tabata facil, unda diferente discusion cu a tuma lugar no tabata esnan cu nan tur a sinti orguyoso di dje. El a subraya cu, sinembargo, di tur cos bo ta siña y como Parlamento mester bay traha pa eleva e nivel di e debatenan. Algo cu a siña di pueblo ta e kier mira cu nan interes wordo sirbi, prome cu e esencia di e debate mes hala y bira algo emocional. El a desea sra. Hyatt Ras exito den su siguiente tarea parlamentario. Tambe a felicita sr. Besaril y mr. Bikker pa nan nombramento, cu e ta mira esaki den un fase transitorio mientras cu nan ta sigui  cu formacion di e gobierno cu pueblo di Aruba tanto ta pidi.

Marlon Sneek a sigui na palabra, tambe a expresa palabranan di danki pa e bon trabao cu sra. Wyatt-Ras a haci como presidente di Staten, vooral e ultimo añanan aki cu tabata tin debatenan hopi fuerte. El a felicita sres. Besaril y Bikker tambe pa nan respectivo cargo di Presidente y Vicepresidente di Staten.

Otmar Oduber tambe a hiba palabra y di parti di Partido POR e tambe a gradici sra. Hyatt-Ras pa e trabao cu el a eherce durante e ultimo añanan, y cu e tambe a experiencia ora e tabata parti di gobierno. Aki tambe el a gradici sr. Herde pa su trabao como Vicepresidente di Staten e ultimo añanan aki. El a desea sr. Besaril hopi forza, pasenshi y sabiduria como Presidente nobo di Staten, y na su colega di partido mr. Bikker, cu den un fase transitorio  tanten cu forma gobierno. Otmar Oduber a menciona cu e trabao di Parlamento pa e cuater añanan cu ta bin sigur, y e aña aki cu e personanan aki lo carga e Presidencia y Vicepresidencia di Parlamento, por wordo ilumina pa tin un Parlamento hopi mas transparente, cu sigur lo sa di eherce su trabao y percura pa e pueblo di Aruba den cual cada 21 miembro di Parlamento ta represente den e Sala di Staten, haci di e sala aki uno di honor y cu di berdad ta carga responsabilidad di vigila su gobierno y cu e stempel cu pa hopi aña a wordo poni riba Parlamento, depende di cual banda nan ta den e sala. Pa tur esnan cu ta bay drenta e ta un momento unico pa duna e balor real na Parlamento y percura cu por bisa cu stempel Parliament ta pa pasado y cu pa futuro lo percura pa controla, vigila y yuda e gobernacion di nos pais.

 

- Advertisement -

DUNA COMENTARIO

Please enter your comment!
Please enter your name here