Home Parlamento Parlamentario Marlon Sneek: AVP lo garantisa cu locual a wordo priminti na...

Parlamentario Marlon Sneek: AVP lo garantisa cu locual a wordo priminti na comunidad lo wordo cumpli tambe

11
0
SHARE
- Advertisement -

ORANJESTAD(AAN): Despues di a dispidi di e parlamentarionan saliendo y gradiciendo pa nan aporte na Staten, Marlon Sneek a tene un discurso na e occasion aki durante di un reunion publico den parlamento.

El a splica cu como lider di fraccion di AVP cu awe tin cu bisa cu den su gran mayoria, pasobra tres lo tuma despedida di Parlamento, a pidi nan danki pa e oportunidad cu nan a brinda pa e ta lider di fraccion y sigur danki pa e trabao cu por a hiba hunto den e parlamento aki pa garantisa pa bin cu leynan cu awe por bisa cu tin impactonan positivo den bida di cada un di nos conciudadanonan.

Tambe Sneek a gradici pa ocho aña tras di lomba cu tin cu bida cu tabata añanan hopi productivo sigur di su banda, cu cinco ley di iniciativa cu por a atende den parlamento, cu tambe ta aporta den e totalidad di siguransa pa nos hendenan.

Cada un di e leynan den nan forma cu a wordo presenta. Di parti di fraccion di AVP, lo garantisa pa por tin un bon gobernacion y sigur garantisa cu locual a wordo priminti na comunidad lo wordo cumpli tambe.

Di un otro banda tin cu tira bista riba un parlamento cu den su ocho añanan a conoce hopi desaroyo y sigur for di banda di AVP, lo por conta pa e desaroyonan cu tin cu sigui, entre otro tin un parlamento independiente, cambionan den loke ta e reglamento di ordo y hopi trabao cu a keda pendiente pa por caba di atende cu nan, pa asina tin un parlamento moderno cu ta bay sirbi e mundo cu nos tin awe y cu ta pidi pa e diferente puntonan aki.

 

 

- Advertisement -

DUNA COMENTARIO

Please enter your comment!
Please enter your name here