Home Parlamento Parlamentarionan cual credencialnan a keda presenta y aproba Diahuebs

Parlamentarionan cual credencialnan a keda presenta y aproba Diahuebs

251
0
SHARE
- Advertisement -

ORANJESTAD (AAN) – Diahuebs 26 di October, den oranan di mainta, a tuma lugar den Sala di Staten, e despedida di e Parlamentarionan cu a asumi nan cargo durante e periodo di 2013-2017. Asina tambe a cera e Aña Parlamentario 2016-2017 na spera di e huramentacion di e Parlamento nobo awe, Diabierna 27 cu lo hiba nan funcion pa e periodo 2017-2021.

Presidente di Parlamento drs. Mervin Wyatt-Ras a yama danki y bon bini tambe na e Parlamentarionan cu a presenta nan credencialnan y a gradici e medionan di presenta cu tabata presente.

E dama a referi na tres punto di agenda hopi importante, cu a wordo trata: e despedida di e parlamentarionan saliente, nombramento di miembronan nobo di Staten, y un momento pa para keto den tur locual a pasa den Parlamento e ultimo periodo 2013-2017.

Un comision a wordo nombra pa wak e credencialnan di e miembronan di Parlamento, cu a consisti di tres cabayero Parlamentario cu el yama pa sinta den Sala, cuminzando cu e presidente di e Comision. Griffier a entrega e documentonan pa e Comision haci su investigacion.

E parlamentarionan aki ta sr. Marlon Sneek, sr. Glenbert Croes y mr. Andin Bikker. Como Presidente di e comision a wordo apunta sr. Marlon Sneek.

E trabao pa cual tabata tin 10 minuut di tempo a wordo haci den siete, pues un tempo record pa cual e Presidente di Staten a felicita nan.

Sneek a hiba palabra y a splica cu e proceso aki a bay manera ta ancra den articulo 107 di e Kiesverordering segun nos Constitucion.

El a menciona cu e documentonan cu nan a haya for di Conseho di Electorado y Sneek a laga na consideracion di e sala pa admiti y keur e miembronan nobo di Staten, cual nombernan el a lesa:

Maikel Lampe, Robert Candelaria, Oslin Sevinger, Mike de Mesa, Arthur Dowers, Richard Arends, Otmar Oduber, Rocco Tchong, Jennifer Reyes, Ricardo Croes, Andin Bikker, Mervin Wyatt- Ras, Henry de Vrijden., Alfred Sneek, Cristian Romero, Dangui Oduber, Glenbert Croes, Guillfred Besaril, Daphne Lejuez, Evelyn Wever-Croes, Xiomara Ruiz Maduro.

Presidente di Parlamento a gradici, prome cu haci un recess, tur e parlamentarionan presente, esnan cu a wordo menciona y esnan cu ta bay, y a expresa cu esaki no ta e Constelacion definitivo, pasobra lo tin formacion di Gobierno, pero asina a cumpli cu un rekisito ancra den nos Constitucion.

 

 

 

 

 

- Advertisement -

DUNA COMENTARIO

Please enter your comment!
Please enter your name here