Home Noticia Internacional Plan di servicio social di gobierno hulandes no tin splicacion ainda kico...

Plan di servicio social di gobierno hulandes no tin splicacion ainda kico e ta encera

59
0
SHARE
- Advertisement -

Analistanan politico ta den duda:

ORANJESTAD (AAN)—A dura varios luna pero e formacion di un gobierno nobo pa Hulanda ta cerca ya cu VVD, CDA, D66 y ChristenUnie a logra yega na un acuerdo pa goberna hunto.

Sinembargo no a bira conoci ainda kico e plannan ta di e gabinete nobo.

E ministerionan ainda no kier los nada apesar cu informacion a lek tur e dianan tras di lombra tocante diferente plan.

Ta wordo papia tambe di  plan di un servicio social , cu ta subi tarifa di impuesto BTW y cu  loke por kita di interes di hipoteca ta baha .

Tambe ta wordo menciona cu imigrantenan ta ricibi un permiso limita y cu un yudanza social y cu lo bini Kico e servicio social ta encera no ta conoci ainda y segun e corant AD e partidonan di formacion a bay di acuerdo cu un forma di servicio social pero nan no kier haci esaki un obligacion.

CDA durante campaña electoral a campaña cu introduccion di obligacion di servicio den militarismo y cerca hobennan tambe den cuerpo policial y den cuido.

Pero e otro partidonan aparentemente no kier haci e medida aki algo obligatorio.  Hobennan lo a haya e chens pa por ehemplo traha den cuido, traha cu refugiadonan of den centronan di barrio cu trabaonan voluntario.

Nan no ta wordo paga pero esaki lo por yuda nan si na momento di busca trabao.

E hobennan lo ricibi un certificado como un plus extra cu lo tin peso den comercio na momento di solicita.

VVD y D66 segun informenan no kier tende nada di servicio militar obligatorio. Pero segun CDA y Christen Unie esaki ta un bunita chens pa hobennan traha riba nan curriculum Vitae y na mes momento contribui of haci algo bek pa comunidad.

- Advertisement -

DUNA COMENTARIO

Please enter your comment!
Please enter your name here