Home Politica Plan inicial di MEP pa bay di 9 pa 7 Minister ta...

Plan inicial di MEP pa bay di 9 pa 7 Minister ta bay bira di 7 pa 9 Minister bek

149
0
SHARE
- Advertisement -

Parlamentario Marlon Sneek

ORANJESTAD   (AAN):  Campaña pa eleccion a  caba pero gañamento si ta sigui y loke por wordo scucha den ultimo dianan den e proceso di formacion di un gobierno nobo, e ta duna e impresion cu aki na Aruba tambe ta traha biña ya cu lidernan politico di dos partido cu ta bay forma parti di e coalicion nobo, ta bashando awa den biña tur dia, segun lider di fraccion di AVP, Marlon Sneek ta mustra.

Den pasado lider di partido MEP, Evelyne Wever Croes a yega di produci un tabla den cual e ta mustra con partido MEP lo atende cu gastonan di personal di Gobierno caminda na varios ocasion el a presenta den conferencianan di prensa.

“E lider di MEP a mustra bon cla cu “7 ta costa menos cu 9” y aki Evelyne Wever Croes tabata referi na e cantidad di Ministernan cu gabinete Mike Eman II tabatin y  tabata un reaccion riba un pregunta di prensa con nan ta bay cubri e diferencia financiero cu e campaña di MEP pa baha edad di pensioen bek.

Akinan e lo para ora cu baha edad di pensioen di pueblo cu MEP a priminti den campaña, el a bisa cu MEP lo bay di nuebe pa shete Minister cual e ora lo tin suficiente placa pa cubri e gasto aki.

Na varios ocasion durante di campaña electoral e lider di MEP a sigura pueblo cu nan lo bay bek na shete Minister y ta di spera cu e bashamento di biña cu a bin ta tumando luga, ta nifica cu e lo bay bek di 7 pa 9 Minister pasobra lo ta e prome mentira di e lider di MEP despues di eleccion loke ta nifica cu loke el a priminti na pueblo, e lo no por cumpli cune como parti di su maneho.

Ta di spera cu tur e awa cu nan ta bashando den biña ultimo dianan, lo nifica cu ya a cuminsa gaña pueblo, despues di a hiba un campaña di algun aña caba cual ta data for di 2013 ora cu Gobierno di AVP a dicidi di bay  na 9 Minister.

Evelyne a mustra bon cla cu e fondonan cu e lo spaar cu e accion aki, lo produci suficiente placa pa cubri e gastonan di e fondonan di pensioen pero awor nos ta ripara cu nan tin problema pa forma un gobierno cu 7 Minister ya cu mester cumpli cu tur hende.

Ya nos ta mirando cu e lider di MEP lo no por cumpli cu promesa di su partido MEP na pueblo y lo ta na su luga pa e ora e bin dilanti y splica pueblo di con e cambio di pensamento y vision aki y con ta bay paga e gastonan adicional cu e fondonan di pensioen lo wordo confronta cune cu e pensamento di MEP pa baha edad di pensioen.

Aki ya caba pueblo por tuma nota con  un lider politico prome cu el a asumi responsabilidad como Minister Presidente di nos pais, ya caba ta mustra di lo comete ‘kiezersbedrog’ prome cu el a logra na oficialisa su gobierno di coalicion.

Pa añanan largo Evelyne a cuestiona y critica e hecho cu Gabinete Mike Eman II a dicidi di bay over na amplia e Ministerionan y a presenta nuebe Minister y a sigura pueblo cu MEP lo bay bek na 7 Minister asina cu e drenta gobierno y awor prome cu el a drenta gobierno, ta mustra cu ya caba el a gaña pueblo cu e punto di principio aki cu e tabatin durante ultimo cuater aña,”  Parlamentario Marlon Sneek ta mustra.

 

 

- Advertisement -

DUNA COMENTARIO

Please enter your comment!
Please enter your name here