Home Parlamento Politiconan kier duna presupuesto supletorio un nificacion eroneo y sin sentido

Politiconan kier duna presupuesto supletorio un nificacion eroneo y sin sentido

11
0
SHARE
- Advertisement -

Parlamentario Marlon Sneek

ORANJESTAD  (AAN): Segun Parlamentario Marlon Sneek, den e proceso di formacion di un gobierno nobo, ta na su luga pa aclaria observacionnan cu ta ser haci pa politiconan envolvi y caminda ta duna informacion incorecto na comunidad.

Parlamentario di fraccion di AVP, sr Marlon Sneek ta mustra cu ta na su luga pa atende algun punto cu sigur ta colgando eyfo y ta importante pa hala liña stret y pone tur cos cla pa ningun hende duda of pensa cu nan por tuma comunidad haci chambon.

“Nos por a scucha e hendenan aki papia riba presupuesto supletorio caminda ta ser mustra cu ainda falta presupuesto supletorio pa bin y ta mustra cu gobierno di AVP lo a gasta di mas y un biaha mas ta cuminsa specula, crea un fantasma eyfo sin bisa pueblo kico un presupuesto supletorio ta .

Sigur ora cu nos mira e cuentanan anual cu a drenta caba despues di 2014 caminda nos a buta normanan cu nos ta bay cumpli cu nan, pa loke ta nos debe en comparacion cu nos GDP, caminda unabes bo bin c’un presupuesto supletorio, loke cu por pasa den e presupuesto suplegtorio aki, talbes un proyecto cu no a wordo ehecuta, bo ta mira cu e placa ey no a wordo gasta of un caminda cu tabatin un overtime cual a tuma luga caminda a gasta mas cu den e caso aki e luna of aña ey, bo por mira cu e placa aki ta bin bek.

Pero no tin cu lubida cu nos ta traha cu normanan, loke ta nifica cu ora cu bin cu e presupuesto supletorio bin, esaki ta un presupuesto cu ta bay keda neutral y por mira un ‘verschuiving’ di un post pa otro pero bo no ta mira c’un gobierno a gasta mas di locual el a presupuesta manera cu si tabata e caso cu a pasa den gobierno di MEP.

Di esaki tin prueba caminda nos a haya un ‘raming’ den e presupuesto di 2009 cu a wordo entrega dia 29 di october, un paar di dia prome cu e gobierno di Nelson Orlando Oduber a bay cas e tempo ey, caminda nos por mira e asina yama “financiele gevolgen” cu ta mustra lo siguiente:

“gelet op de omvang van de tegenvallers binnen zowel di kosten als de middelen sfeer, is het niet mogelijk gebleken om het toenemende financierings tekort zonder het aantrekken van aditionele financiele middelen, te kunnen compenseren.”

Esaki a nifica cu mirando cu loke gobierno di MEP  presupuesta e tempo ey, e presupuesto fantasma cu nan tabatin, cu no a duna  e placa cu nan a pensa cu lo bay duna y ta ser mustra cu mester ‘trek aan aditionele financiele middelen om tekunnen  compenseren.”

Na mes momento e rapport ta mustra cu “het financiele tekort neemt per saldo met 97.5 miljoen toe” loke kiermen cu na 2009 ora cu e presupuesto supletorio a bin Staten, e prome trabou cu mi persona a haya ora cu mi persona a drenta Parlemntario na 2009 tabata un presupuesto supletorio cu a bisa cu nan tabatin 97.5 miyon florin cu gobierno di MEP a gasta di mas sin cu nan tabatin ‘dekking’ pa esaki y mester a bay over na fia.

“Het financiele behoefte wordt 255 miljoen florin in plaats van 157.5 miljoen florin, pues el a bira 97.5 miyon florin cu nan a gasta y e ora nan a bin Parlamento pasobra nos ta mira e nota cu gobierno di MEP a entrega, cu ta mustra cu e tabata 1.189 biyon florin y nan a gasta oficialmente 1.209 biyon florin, pues 97 miyon florin di mas a wordo gasta na 2009 y awor nan ta bin cu speculacion cu mester bay wak na unda a gasta e placa esaki, si lo aproba esaki.

Pues un biaha mas ta bin specula  riba cosnan ridiculo caminda un presupuesto supletorio cu ta existi, cu no ta nada nobo y cu semper nos a uza den Parlamento di Aruba caminda na final di aña bo ta bin pa coregi bo presupuesto, caminda bo a uza un presupuesto y cu por ehempel bo no tabatin e dekking pa esaki, ta bin haci un cambio dor di entre otro bo tabatin un gasto y bo no a haci e gasto ey, e sumanan ey bo ta uza.

Pero den e caso na 2009 nos por a mira cu nos ta papiando di un ‘overschrijding” caminda gobierno di MEP a gasta 97 miyon florin mas cu loke nan a presupuesta.

Ta tristo ora cu nos scucha e tipo di comentarionan cu ta bin dilanti, sigur dor di hendenan cu tin hopi aña den politica y kier hunga riba sentimento di pueblo y crea algo cu no ta existi,” Parlamentario Marlon Sneek a mustra.

Sr. Sneek a mustra cu den e cuenta anual di 2016 por hasta mira cu a sobra placa cu a resta dor di gastonan cu no a wordo haci pa gobierno.

 

 

 

- Advertisement -

DUNA COMENTARIO

Please enter your comment!
Please enter your name here