Home Politica POR ta lamenta cu AVP ta bisa cu coalicion MEP-POR lo trece...

POR ta lamenta cu AVP ta bisa cu coalicion MEP-POR lo trece medida

164
0
SHARE
- Advertisement -

ORANJESTAD (AAN) – Andin Bikker, miembro di Partido POR, Plataforma e Forza Nobo, a expresa den encuentro cu prensa, cu ta hopi di lamenta cu AVP kier bin bisa cu ta MEP y POR lo trece medida. Esaki, siendo cu ta AVP ta esun cu a trece medida riba e pueblo. Pa e motibo aki Aruba awe ta asina caro, Andin Bikker a señala.

Partido POR enfaticamente a informa Informador cu ni un rato so nan ta pensa di introduci medidanan. “Solamente nos tabata kier sa e estado actual di e finanzas publico pa goberna e pais aki. Pero, hecho ta, cu ta hopi ironico y falta di cuero di cara cu nan ta insinua esey”, Bikker a expresa.

E politico a sigui bisa cu ta netamente AVP a bin cu BAZV, nan a hisa edad di pension y hasta den nan programa “Aruba Padilanti” tin yen di medida scondi, dus basicamente ta un falta di seriedad y ironia cu un partido cu ta bandonando gobierno, ta wordo rechaza cu 4 asiento menos, kier bin sinta casi contento den oposicion.

“Ta falta di seriedad di parti di AVP, cu e herencia cu nan ta laga atras, nan ta basicamente feliz cu nan a laga un situacion casi ingobernable y bisando cu e futuro gobierno bin cu medida”.

Segun Bikker, unico manera pa paisnan sali di crisis economico, ta door di crecemento economico. Aworaki ta premira un crecemento negativo. “Cu POR den gobernacion, no solamente Aruba lo no sostene so ariba turismo, pero lo reactiva economia, door di e cientos di bouwvergunning cu ta tranca, e verkavelingsplannan cu ta tranca y agiliza tur e proceso pa motiva e economia.

No ta algo cu ta inventa e wiel di nobo, pero ta algo cu a traha na Madre Patria y esey lo haci na Aruba tambe. Ta danki na Sr. Otmar Oduber cu turismo ta bayendo tremendo. Pero netamente, ta identifica cu e plafond casi a wordo yega. Lo purba na yega na mas revenue pa camber pa bishitante. Ta calcula un 70 miyon dollar adicional, cu por saca for di e mercado aki”, Bikker a subraya.

Sr. Bikker a sigui bisa cu nan a haya un rapport di Banco Central, unda cu nan ta riba caminda pa introduci un forma nobo di pago. Door di cana den pueblo, a haya hopi reclamo di parti di e comunidad, cu por haci pago cu PayPal, pero no por ricibi placa via PayPal.

“POR ta contento di a tuma nota di e resumen di Banco Central y nan ta trahando riba dimensionnan cu ta agiliza e proceso di pago” sr. Andin Bikker a conclui.

- Advertisement -

DUNA COMENTARIO

Please enter your comment!
Please enter your name here