Post Aruba N.V. mustrando cu a lanta embargo pa manda paketenan pa Europa

ORANJESTAD (AAN):  Hopi hende cu ayega Post Aruba pa manda pakete pa nan yiunan na Hulanda, a keda sorprendi cu no a acepta e caha.

A resulta cu luna pasa tabata tin embargo na aeropuerto Schiphol na Hulanda, pa cual motibo nan no tabata ricibiendo post di exterior. Tur esaki tabata pa motibo di un backlog, pero despues a lanta e embargo pa Hulanda pero no pa Europa completo. Post Aruba N.V. ta informa cu awor a lanta e embargo pa Europa tambe. Pa cu esaki un biaha mas tur hende por cuminsa manda paketenan back pa henter Europa.