Home Enseñanza Preparacion di docentenan na IPA ta conta cu ‘calidad’ como meta number...

Preparacion di docentenan na IPA ta conta cu ‘calidad’ como meta number uno

16
0
SHARE
- Advertisement -

ORANJESTAD(AAN): Nos por a tende un tiki riba e profesion di maestro for di Berthson Boekhoudt, kende ta director di estudionan inicial na IPA . Actualmente nan ta sigui recluta mas maestro.

Boekhoudt a splica cu nan tin diferente estudio andando, pero e estudio principal cu ya tin aña aden, aña afo ta recluta hende ta pa maestro di school basico y school primario. E manera di haci’e ta cu asina cu caba HAVO of caba EPI, nivel 4, bo por inscribi pa cuminsa na IPA. E unico cos ta cu tin un exigencia si riba cierto tereno. E parti di rekenen y idioma Hulandes, den e caso aki, ta un parti cu ta bira un test cu nan tin cu haci y si nan haal e test, e ora nan por inscribi y participa na e opleiding.

Esey e ultimo añanan nan ta cerando un cantidad di mas of menos 25 pa 26 studiante pa aña. Suficiente naturalmente e nota. Si bo ta haya cu ora caba of ora cu bay traha toch e directivanan di school tin cu busca hendenan di afo. Pero no mester haci wega si cu e calidad. No por bisa cu mester mas maestro, ta bay habri porta pa cuminsa cu dos of tres of cuater klas, den manera di bisa, sin tene cuenta cu calidad.

Calidad toch pa IPA ta bay como meta number uno, pero banda di esey semper y cuando teniendo cuenta cu e necesidad si. E necesidad no ta suppose di overrule e calidad.

Educacion di antes y awor:

Tin hopi cambio den educacion entre antes y awo. Boekhoudt a splica cu bo por wak’e riba diferente aspecto. Tin e aspecto tecnologico cu awendia uzo di telefon, uzo di laptop, di tablet, etc. tambe ta hunga un rol cu antes tur cos tabata den buki, schrift, bo ta skirbi. Eseynan tambe IPA a cuminsa incorpora nan. Tin por ehempel cu nan ta haci uzo di smartboards. Tin cu bisa cu tambe algun school tin nan, pero tin cu tene cuenta cu dos cos. Bo tin cierto facilidadnan cu bo por laga bo studiantenan siña traha cu nan, e didactica pa haci uzo di e materialnan ey. Pero na e otro banda, no ta tur school tin e facilidadnan ey na Aruba actualmente.

Bo por bay traha den e direccion ey completo, pero si despues, ora nan bay den school back, nan no por practik’e, bo ta bay hayabo toch cu e mesun problema atrobe cu nan no ta full prepara pa esey. Sinembargo, tin un balansa si. Cierto materianan, por ehempel matematica, ta haci uzo di hopi mas cosnan visual y bo por traha algo cu bloki riba mesa, pero bo por trah’e tambe den un programa cu bo por visualis’e riba un beamer, por ehempel.

Tambe tin e parti di ciencia y tecnologia, cu tin un materialnan cu nan por haci uzo di nan, cu ta haci’e mas atractivo pa e studiantenan y na e otro banda, ora cu nan bay duna les, tambe tin cu haci’e un tiki mas atractivo pa e muchanan. Djis di duna un buki y traha algo for di e buki, no ta tur cos. Mester por haci’e mas atractivo cu material, aankleding, etc. Esey ta partinan cu ta pone hopi enfasis riba dje den e lesnan na IPA.

Interes:

Berthson Boekhoudt di IPA a splica cu e interes ta halto pa bira maestro. Por ta mas halto, sigur cu si. Pero e interes ta, cu toch bo ta haya un cantidad cu ta aplica awo despues di pasa e screening, test, etc., bo ta logra keda cu un cantidad mas chikito. Pero e animo tey si. No por compara cu otro educacionnan avansa na Aruba.

Por ehempel e sector di Economia, bo ta haya cu hopi studiante ta interesa den e partinan ey cu bo ta haya cu tin mas aanmelding cu ta sosode den e direccion eynan. Pero, mester keda stimula esunnan cu tin interes pa bira maestro pa haci’e tambe echt ora cu e ta algo cu bo mes kier. No ta djis pa bira maestro cu tin e pensamento cu tin hopi dia di vakantie. Pero pa bira maestro pasobra bo kier duna un aporte na e futuro generacion di Aruba.

 

- Advertisement -

DUNA COMENTARIO

Please enter your comment!
Please enter your name here