Home Policial Preso maltrata obliga di wordo hibe KIA bek pa su seguridad

Preso maltrata obliga di wordo hibe KIA bek pa su seguridad

288
0
SHARE
- Advertisement -

ORANJESTAD.,(AAN); — Manera ta conoci siman pasa den DIARIO a sali publica di e caso di maltrato di un preso den KIA  cual caso a bay te dilanti huez. Berdad ta manera e director interino a menciona cu falta personal pa traha den e instituto.

Pero el a menciona tambe di esnan cu ta meld ziek lagando nan coleganan den problema atras, debi na e dianan y oranan largo cu nan tin cu traha overtime pa falta di personal y bira malo.

Esey ta un di e problemanan grandi cu pa aña nan largo ta tumando lugar den e cuater murayanan di KIA. Esaki tin su consecuencia ora cu tin masha poco personal riba warda.

Ta danki entre otro cu camara ta capta locual ta tuma lugar y ultimamente cuidadornan di preso riba servicio mester a actua rapido pa evita lo peor.

Hasta Fiscal a wordo notifica di e situacion ora cu un preso a keda maltrata pa otro preso y a wordo transporta pa hospital.

Pero  durante cu e tabata interna, segun informe, lo a blo na hospital un homber desconoci cu lo tabata busca drechi pa haya sa unda e detenido ta interna.

Ora esnan den hospital a bin haya sa cu ta trata di un ex preso y no sa kico tin su tras cu e ta busca drechi di e preso interna mesora lo a bati alarma pa notifica instancianan concerni pa tuma medida di seguridad.

A saca e preso interna mesora for di Dr., Horacio Oduber Hospital y interne den un lugar sigur den KIA mes.

- Advertisement -

DUNA COMENTARIO

Please enter your comment!
Please enter your name here