Home Politica Prome acuerdo di gobernacion a keda firma entre MEP, POR y RED

Prome acuerdo di gobernacion a keda firma entre MEP, POR y RED

346
0
SHARE
- Advertisement -

ORANJESTAD (AAN) – Den conferencia di prensa Dialuna, Formador Evelyn Wever-Croes, a compromete cu prensa cu apenas tin informacion pa divulga mesora ta notifica prensa di esaki.

Asina, el a invita prensa na Ayo Rock Formation, un lugar cu e ta considera unico y cu hopi historia, pasobra eynan nos antepasadonan tabata bin busca inspiracion.

Meymey di e barancanan solido di Ayo Rock Foundation e tres lidernan politico di MEP, POR y RED a firma e prome documento den e fase di formacion.

Esaki ta e prome documento den e prome fase di e acuerdo di gobernacion. Despues lo sigui cu e programa di gobernacion y pa ultimo cu e reparticion di cartera. Asina sra. Wever-Croes a duna di conoce.

E dama a haci enfasis cu den e documentonan no tin color di partido, y a cambia pa e colornan di nos bandera di Aruba.

E acuerdo di gobernacion aki ta basa riba tres pilar:

  1. Bon gobernacion (integridad) cu locual nan a compromete nan mes pa duna Aruba. Calidad di nos democracia y lo tin e institutonan democratico hopi na pecho, y lo duna prioridad na un gobernacion transparente.
  2. Finanzas publico balansa y duradero. Si no pone orden den e situacion financiero lo no por cumpli cu e pueblo, segun sra. Wever-Croes.
  3. Ser humano central riba diferente tereno. E prome cu lo haya atencion ta seguridad pa e por biba den tur trankilidad y trece mas proteccion. Asistencia social pa duna atencion y por combati e problemanan social di nos comunidad, y duna mas proteccion na esnan di mas vulnerable den nos sociedad. Bienestar economico cu por crea mas cupo di empleo y bienestar general na Aruba y den cada hogar. Desaroyo sostenible cu enfasis riba cuido di nos naturaleza y medio ambiente. Enseñanza di calidad pa asina prepara nos siguiente generacionnan riba e economia di futuro. Cuido di salud y cuido di nos grandinan di nivel halto. Vivienda pa un y tur, pasobra e partidonan cu lo forma coalicion ta convenci cu tur hende biba na Aruba merece di tin un dak riba nan cabes, y mester percura pa tin tereno y vivienda.

Otro puntonan di atencion manera infrastructura, comunicacion, deporte, sector primario, asuntonan di reino, imigracion, integracion, energia sostenible y cultura, lo keda amplia y elabora den e programa di gobernacion 2017-2021.

Den e acuerdo aki por mira den linea grandi e programa cu cual cada partido a bay di acuerdo cune, y cu lo enfoca den e siguiente gobernacion. E acuerdo aki a keda firma ayera entre e partidonan MEP, POR y RED su lidernan.

- Advertisement -

DUNA COMENTARIO

Please enter your comment!
Please enter your name here