Home Actividad Especial Publico a cera conoci cu e trabaonan diario na Salubridad Publico

Publico a cera conoci cu e trabaonan diario na Salubridad Publico

40
0
SHARE
- Advertisement -

ORANJESTAD (AAN): Tur hende ta tende di Directie Volksgezondheid Aruba (DVG) y como cu nan trabaonan ta asina varia y desaroya y e aña aki Salud Publico ta celebra 100 aña di existencia, a opta pa organiza un “Open Dag” siman pasa pa informa nan partnernan y henter comunidad di tur nan tareanan cu nan ta eherce.

Durante e “Open Dag” e diferente seccionnan cu ta duna servicio y cu ta cai bou di DVG a tene diferente demostracionan di e trabaonan cu nan ta eherce a base diario. E seccionnan ta encarga cu  entre otro asuntonan di bestia, maneho di higiena, maneho di salud mental, salud pa nos grandinan, salud pa much

a y hobennan, ta atende cu enfermedadnan contagioso, ta haci esfuerso pa caba cu sanguranan cu ta transmiti enfermedadnan y sin lubida nan esfuersonan diario pa promove bibamento saludabel riba nos isla.

Directie Volksgezondheid Aruba, ta haciendo tur posibel pa cambia e cultura di un “Uitvoerende Dienst” pa un “Beleids Directie”. Esaki ta e meta pa DVG fungi como e parti central den cuido na Aruba, conectando tur otro stakeholders. E departamento ta demostra profesionalismo, dinamismo y etica halto den tur trabao cu nan ta desplega.

Directie Volksgezondheid ta situa den Caya Ing. Roland Lacle 4

, parti den 6 edificio banda di otro y 2 otro edificio situa na Barcadera, unda tin Servicio Veterinario y GKMB. Na tur e departamento ta conta cu 170 empleado bon prepara y capaz pa sigui desaroya e organizacion pa implementa y ehecuta maneho riba tereno di salud publico na nos isla.

- Advertisement -

DUNA COMENTARIO

Please enter your comment!
Please enter your name here