Home Economia RBC por drenta awe den su di tres dia di welga si...

RBC por drenta awe den su di tres dia di welga si lo no yega na un solucion

17
0
SHARE
- Advertisement -

Rudy Geerman di FTA:

ORANJESTAD (AAN) – Diaranzon awo tabata e di dos dia di paro di labor door di e trahadornan di RBC Bank. Den un entrevista cu e lider di FTA sr. Rudy Geerman, el a duna di conoce cu Diamars anochi nan a haya un carta di mediador, unda e ta yama e Gerencia y Sindicato pa un reunion Diaranzon mainta, 10’or.

Esaki a tuma lugar, pero lamentablemente nan no a yega na un acuerdo, Geerman a menciona.

Nan no por a yega na un acuerdo pasobra, segun e sindicalista, banco kier cambia e reglanan di wega y den e reglanan aki nan kier pa e Sindicato hunga, pero esey no ta bay.

“No, pasobra nos tin den e acuerdo aki caba un regla firma, anto esey nos mester mantene. Pero no, nan ta keda insisti cu locual cu nan ta haciendo ta corecto, y nos a bisa nan cu nos por compronde cu, cu na momento, nan por bisa cu nan no ta di acuerdo cu un articulo den e CAO, pasobra esey ta nan derecho. Pero nan por cana bay Corte pero no kita prome loke tin den e CAO y despues bay Corte pa e ora ey bay puntra Huez si nan mag kite si of no”, sr. Geerman a subraya.

Esaki ta nifica cu e partidonan a bay for di otro sin un solucion. E reunion aki a bay basta fuerte, y sr. Geerman a bay splica e trahadornan y cu si no tin un solucion diahuebs lo bolbe tin accion.

E no por bisa cuanto tempo e welga aki por dura, pero esaki ta debi na terkedad di e directie di e banco, y si nan a bisa na mesa cu nan ta compronde pero cu e trahadornan mester tene cuenta cu e clientenan local y internacional, Geerman a puntra si ta e trahadornan so mester tene cuenta? Pasobra esnan cu ta maneha e banco tambe mester tene cuenta pa trece paz laboral.

- Advertisement -

DUNA COMENTARIO

Please enter your comment!
Please enter your name here