Home Parlamento Rene Herde a despedi di Parlamento bisando cu e trabao no ta...

Rene Herde a despedi di Parlamento bisando cu e trabao no ta cla ainda

41
0
SHARE
- Advertisement -

ORANJESTAD(AAN): Un di e politiconan cu no ta regresa Parlamento awor na final di 2017, ta Baba Herde.

Su nomber realidad ta Rene Herde, y Diahuebs el a cuminsa cu su discurso, gradiciendo esnan den sala y felicita tur esnan cu pa prome biaha a worde eligi den parlamento di Aruba. Na esnan cu ta bolbe, el a deseanan hopi forsa, pa uza nan experiencia. Pa esnan cu ta bay, di curason un gratitud enorme cu un curason humilde, pero contento, Herde ta bisa danki pa e 8 añanan kisas di e miho experiencia cu un mucha homber di Companashi por desea.

Danki pa e experiencia, Herde a expresa. Momentonan dificil tin, pasobra e ta bin cu e trabao. Pero na final por mira back riba ocho aña cu en berdad a saca e pais aki di unda e tabata y no kier hiba un discurso politico di partidista. Realidad cifranan ta mustra cu awe nan no ta caminda cu nan tabata na 2008.

E 21 miembronan ey a percura for di cada un di nan perspectiva politico, for di nan experiencia y conviccion a contribui cu awe practicamente tur tereno. Nos pais ta miho para y cu e curason contento ey, cu e satisfaccion di por a contribui un tiki, Herde a expresa gratitud na tur pa e ocho añanan aki, na e personal di parlamento y sigur na esnan di su propio fraccion cu cual el a traha di cerca y coleganan di partido a bira amigonan personal.

E trabao no ta cla, segun Herde. E palabra “ainda falta”, a bira parti di vocabulario politico. A haci hopi. Den un organizacion di parlamento, ainda tin hopi co’i haci. Algun aña pasa a institui un comision special pa mehora funcionamento di parlamento. Tin hopi pa haci’e riba e tereno ey y ta desea e miembronan di parlamento nobo hopi sabiduria y exito den esey.

Riba tereno di nos pais, tin hopi cu a haci, pero ainda falta. Un di e cosnan cu Herde a y lo sigui menciona como ciudadano di e pais aki, ta pa percura cu un simpel entrada di exploracion di gas of petroleo den awanan submarino di nos pais, yega na pueblo. Pa cada cen cu podise nos haya, worde dedica directamente na nos comunidad y no otro.

Riba tereno di reino, a logra y haci hopi. Pero ainda falta entre otro e areglo di conflicto y tin cu vigila desaroyonan den reino pa sigura cu nos pais ta keda no solamente parti di reino, pero un parti cu en berdad ta sigui desaroya.

Herde a haci uzo di e oportunidad pa gradici su propio famia cu a soport’e, pasobra tin biaha e ta yega cas laat, y no tey pa haci tur cos cu e kier. Awor aki, cu e ta bay cu pensioen tambe, e mes ta bay cushina. Kiermen cu nan prepara pa bon cuminda.

Herde tin dos nieto cu orguyo por bay wak mas. Pero e tabata pa Herde un experiencia enorme y pa cada un di nan, miembronan di oposicion, di miembronan di su fraccion, di amigonan di su partido den gobierno y den comunidad, danki pa e honor di por a sirbi nos pais den un funcion asina.

Cu e gratitud y e curason contento aki, Herde ta desea e Gobierno nobo, e fraccion y parlamento nobo hopi sabiduria. Hopi forsa. A logra hopi, pero ainda falta hopi y unda cu Herde por ta, cu experiencia cu nan a laga acumula, e tey pa yuda, con por y unda cu por.

 

 

- Advertisement -

DUNA COMENTARIO

Please enter your comment!
Please enter your name here