Home Turismo Riba Diaranzon Aruba tabatin 5 barco crusero den Waf

Riba Diaranzon Aruba tabatin 5 barco crusero den Waf

170
0
SHARE
- Advertisement -

ORANJESTAD (AAN): Aruba Ports Authority (APA) ta orguyoso di a ricibi Diaranzon, no menos cu 5 barco crucero riba e mesun dia den inicio temporada halto di turismo crusero.

“Un biaha mas ta un previlegio pa APA di por anuncia cu e temporada nobo cu ta cuminsa aki, ta habri di bon forma cu cinco barco crucero,” gerente a relata.

Ta trata aki di Adventure of the Seas, Caribbean Princess, Nieuw Amsterdam, Zenith and Freewinds. Esaki ta e dia riba cual un biaha mas Aruba ta marca historia cu bishita di cinco barco crucero.

APA, mirando cu e dia aki lo ta uno hopi special y importante pa Aruba, lo percura cu ciudadanonan haci nan maximo esfuerso cu e turistanan cu bishita Aruba den e temporada aki ta sinti nan mes na cas, pa crea miho posibilidad cu den futuro nan planea pa bishita e isla pero como “stay-over tourist”. Esaki ta importante pa sigui duna mas aporte na economia di Aruba. “Ta masha importante cu e turistanan cu bishita Aruba ta sinti nan mes na cas, ya cu di e forma aki nan lo por bolbe pa un bishita mas largo, pero tambe comparti nan bunita experiencia na Aruba cu famia y amistadnan.

Segun e schedule di diaranson, 18 di october, e dos prome barconan crucero cu a drenta haf di Aruba entre 6or y 6.30 di mainta ta e bon conoci Freewinds y Zenith, cu tin casi 3 mil pasahero entre nan dos.

Entre 7’or y 7.30 a drenta e barconan di Princess Cruise Line y Royal Caribbean Cruise Line, cu nan barconan Caribbean Princess y Adventures of the Seas respectivamente y cada un cu mas di 3 mil pasahero. Y e ultimo cu a drenta waf ta Nieuw Amsterdam, cu rond di 2 mil pasahero.

E saki ta nifica cu Aruba a bay ricibi riba 10 mil pasahero crucero riba un solo dia.   Esaki lo yuda sigur na sobrepasa loke tabata pronostico di cantidad di pasaheronan crucero den 2017.

E team di APA hunto cu seccion di Turismo Crucero di ATA a bin ta reuniendo pa haci e preparacionnan necesario, no solamente pa ricibi e barconan den haf di Aruba, sino pa e pasaheronan crucero bay cu e miho impresion posibel di Aruba. Tin pasahero cu lo ta bishitando Aruba pa prome biaha y e impresion cu nan haya, por yuda na convence nan bolbe como “stay over”.

- Advertisement -

DUNA COMENTARIO

Please enter your comment!
Please enter your name here