Home Salud Scol Saludabel ta pa tur scol preparatorio y basico di Aruba

Scol Saludabel ta pa tur scol preparatorio y basico di Aruba

32
0
SHARE
????????????????????????????????????
- Advertisement -

Director di DVG, drs. Jerry Staring

ORANJESTAD (AAN): Departamento di Salud Publico, Departamento di Enseñansa, Departamento di Asuntonan Social, Instituto Biba Saludabel y Activo (IBISA) y Instituto Pedagogico Arubano (IPA),  conhuntamente a celebra lansamento di e proyecto school Saludabel pa Aruba.

Durante un congreso di Organizacion Mundial di Salud na Mexico City na 2000 dos representante di Aruba, Señora Annie Cordero y Señora Cherryldine Buckley cu tabata traha na Departamento di Salud Publico, a cera conoci cu e proyecto Escuelas Promotoras de la Salud.

Mirando e importancia y beneficionan di e proyecto, Señora Cordero y Señora Buckley a introduci e concepto di Escuelas Promotoras de la Salud na Aruba. Durante e siguiente añanan diferente profesionalnan den area di salud y di educacion a asisti na congresonan di Pan American Health Organization (PAHO) relaciona cu e concepto Escuelas Promotoras de la Salud of ‘Health Promoting Schools’.

Na aña 2011 gobierno a institui un stuurgroep pa traha un plan strategico pa cu implementacion di school Saludabel na Aruba. Dicho stuurgroep tabata consisti di personanan di Departamento di Salud Publico, Departamento di Enseñansa, Departamento di Asuntonan Social, IBiSA y IPA. A scoge cinco school piloto, basa riba cierto criterianan. Pa tres aña a guia e schoolnan piloto pa traha cu e concepto di school Saludabel.

Concepto school Saludabel ta uza un metodo cu un acercamento structural y integral pa asina garantisa durabilidad. Varios estudio den diferente pais a demostra e efectividad di e concepto school Saludabel. Den e concepto aki e mucha ta central.

Na school mester tin un ambiente safe unda e mucha por desaroya su mes optimal y crea asina un base solido y saludabel pa su futuro. Tur aspectonan di e metodo ta worde incorpora den maneho di school y durante lesnan. Asina e metodo ta brinda oportunidad pa organiza actividadnan pa desaroyo emocional. Un estado emocional stabiel y positivo cerca mucha sigur ta yuda alcansa miho siñamento y funcionamento na school y na cas.

Tur mucha tin e derecho pa tin un base stabiel riba tur tereno di formacion pa asina e por desaroya na su maximo capacidad y crea condicionnan faborabel cu por hibe leu den bida. Tur schoolnan cu tabata presente a ricibi un buki di e Guia pa un school Saludabel . Tur school preparatorio y school basico por aplica pa bira un school saludabel y lo haya e apoyo y guia necesario pa logra bira un school Saludabel oficial.

- Advertisement -

DUNA COMENTARIO

Please enter your comment!
Please enter your name here