Home Comentario Si kier tuma medida na SVb anto cuminza drecha e servicio

Si kier tuma medida na SVb anto cuminza drecha e servicio

33
0
SHARE
- Advertisement -

Remitido

Sr. Redactor, permiti mi un espacio den DIARIO pa trece e reaccion aki.

Mi por a tuma nota recientemente di un inicidente cu a tuma lugar na e oficina nan di SVb San Nicolas relaciona cu agresion.  Claro cu agresion no ta soluciona problema y no ta e forma mas adecuado pa soluciona un desacoerdo.

Loke si mester remarca lesando e declaracion di e director di SVb cu hendenan no tin pasenshi ora nan yega y nan mester  ‘acepta’ cu si tin un fila largo di hende mester warda 2 hora.

Aki e ponencia cu e ‘mester acepta’  ta den total desacoerdo cu e director.  Ta pakico e asegurado nan ta paga nan contribucion na e servicio aki anto?

Ta berguenza cu ainda na aña 2017  pa hende logra keda cla ‘trempran’ mester bin 4’or of 5’or di marduga pa ‘campa’ na oficina di SVb pa haya number trempran, pa motibo di e forma anticua y inefficiente di traha.

Relaciona cu e discussion y agression cu a tuma lugar claro cu mester tin respet entre dos partido nan, pero tin hopi caso a yega di pasa, cu dokter nan ta papia grosero cu e patient tanto na SVb y sector medico na Aruba y Sr. Director ta bisa cu relaciona cu duna keho “mester pa deposit’e na unda e mester worde deposita cu por haci algo cun’e”.

Ta cuanto keho  no a worde entrega y a bay den doof-pot?  Anto e pacient si mester sigui acepta palabra di grosero for di e dokter, Sr. Director esei kiermeen hancho pa e dokter nan y small pa e cliente nan?

Por ultimo a menciona cu a bisa cu hasta un ‘zundramento’ lo worde consiera intimidacion, kiermeen si un cliente haci un remarque tanto na balie of na e dokter tambe ta worde considera un intimidacion?

Sr. Director, ta na Aruba nos ta bibando y no un pais communista cu tin dictadura.

 

Un dama.

(Nomber y adres

conoci na redaccion.

- Advertisement -

DUNA COMENTARIO

Please enter your comment!
Please enter your name here