Home Comentario Simplemente discriminacion riba tereno medico!

Simplemente discriminacion riba tereno medico!

45
0
SHARE
- Advertisement -

Opinion Publico:

ORANJESTAD (AAN) – Na nos redaccion a sigui drenta mas opinion tocante e asunto di reconocimento di diploma, y exigencia riba rekisito di BID, pa e Arubianonan cu ta bira docter den nos region, y muy specialmente na Universidadnan di Costa Rica y Colombia.

Un ciudadano ta bisa cu tin mucha na Aruba cu a muri den man di docter Hulandes studia na Hulanda (logicamente no ta generaliza), tambe e ta puntra si AZV a yega di cuestiona e mal diagnosticonan cu algun docter Hulandes a haci cu pacient y cu despues a bin resulta cu ta otro malesa nan tin? Tin casonan di cancer cu ta na otro caminda e pacient a haya sa cu e tine mientras cu na Aruba e tabata wordo trata pa algo otro, y e motibo principal ta pasobra e docternan aki no ta haya necesario pa e pacient pasa den cierto testnan (claro pa baha gasto di AZV).

Otro ciudadano ta haya cu AZV ta keda keto cu casonan unda un docter na warda (cu no a studia na Colombia ni na Costa Rica) ta receta paracetamol na un pacient cu ta yega cu dolor na stoma hopi fuerte y yegando cas e ta haya un stroke. Ah, pero nan si no ta Buchi Juan, nan tin BID!

AZV ta puntra su mes ta di con tanto hende na Aruba ta probecha ora nan bay exterior pa haci chekeo medico? Y hopi biaha nan ta haya sorpresa di nan bida, cu aki na Aruba no a detecta un malesa cu ya caba a cuminza coi caminda peligroso.

Y tambe e caso contrario, unda cu tin hende ta wordo diagnostica cu un malesa y cu ora nan bay busca un di dos opinion afo, vooral na Colombia, ta bin resulta cu NO TIN NADA!

Pero ya, nan tin BIG, nan no ta cay den e categoria di Buchi Juan!

Segun e ciudadano mester compronde y biba cune: esaki ta simplemente discriminacion cu tin riba nos tereno medico!

- Advertisement -

DUNA COMENTARIO

Please enter your comment!
Please enter your name here