Home Enseñanza Sindicato di Maestro di Aruba cu campaña pa airco y local di...

Sindicato di Maestro di Aruba cu campaña pa airco y local di gym pa tur scol

48
0
SHARE
- Advertisement -

ORANJESTAD   (AAN):   Dia 18 di september 2017, SIMAR a yama un reunion urgente cu coleganan cu no ta traha den local cu airco. Den dicho reunion varios atencion a bin dilanti regardando e contenido di ley di seguridad na pia di trabou y e derecho di e maestro di scol pa traha den un ambiente sigur.

Esaki incluso e docentenan di educacion fisico, ya cu hopi di nan ta duna enseñansa sin tin un localidad adecua y sigur. Maestronan cu no tin airco den nan local y esnan cu ta duna educacion fisico den solo pa no menos di 7 ora pa dia a duna di nan parti pa hopi aña sin exigi.

E condicion di tempo rond mundo a cambia y e efecto mas grandi cu nos tin ta e calor. Rond di Aruba ta midi e calor inmenso den localnan y riba veld na 31 grado celcius y mas. E trabou di un maestro den un local sigur y comodo ta mara na ley, cu pa añas no a ser respeta. E local sigur y comodo ta importante tambe pa duna  enseñansa di calidad pa asina e alumno/studiante tambe por presta y produci na un nivel halto.

Hopi scol a traha pa instala airco recaudando fondo. Algun a logra y algun tin parti di e scol cu airco. Durante e reunion di dia 18 di september, un comision a ser instituí cu a haya e nomber “Comision Airco pa tur scol” cu lo atende e organisacion pa yega na un meta: Airco y sala di educacion fisico na tur scol. Tambe lo enfoca riba concientisa e publico en general riba e consecuencianan di calor riba enseñansa y riba e importancia di tin airco na scol. E comision aki ta consisti di diferente colega sali di diferente tipo di enseñansa y di diferente directiva di scol. Su miembronan no a perde pa gana y a reuni un bes. Loke a ser trata ta e ley di seguridad di e ambtenaar y kico tur e campaña ta encera.

Loke a cuminsa caba desde dia 9 di october ta un campaña di firma. E meta ta pa tin tur firma colecta dia 31 di october, pa despues haci entrega di esaki na e ministernan concerni. E campaña ta pa exigi pa gobierno traha un plan pa tur scol yega na airco den termino corto y pa hinca den su presupuesto pa cubri gastonan di mantencion y coriente, manera ley ta stipula.

Lo percura pa duna informacion na su debido tempo con y e fecha riba cual e entrega aki lo tuma lugar. E comision ta haci un peticion na tur directiva di scol, tur director, manager y cabesante pa coopera door di duna e informacion aki na coleganan y colecta e firmanan. Tambe ta pidi sosten di tur maestro, tanto miembro y no miembro di SIMAR, laborando den airco of no, dunando gym den un sala of no, pa asina e accion ta un exito.

Un miembro di e comision of un miembro di directiva di SIMAR lo tuma contacto pa pasa tuma e lista di firma. Tambe por pasa firmana cede di SIMAR durante orario di oficina. E comision y directiva di SIMAR ta confidente cu tur directiva di scol y tur docente ta di acuerdo cu traha den calor no t acomodo y cu e accion aki lo haya e sosten di e veld completo.

E accion ta hiba e lema “Calor un echo, airco nos derecho” no ta solamente pa exigi pa cumpli cu studiante di nos pais. E comicion ta pensa cu e accion aki lo ta suficiente pa demostra e necesidad y e importancia di tin airco. Alaves cu e maestro di scol lo no tolera mas pa warda pa un solucion.     Intensivacion di accion no ta e intencion, pero no ta descarta e posibilidad, dependiendo di reaccion di nos mandatarionan. Airco na scol no ta luho ni necesidad, awendia e ta un exigencia.

 

 

- Advertisement -

DUNA COMENTARIO

Please enter your comment!
Please enter your name here