Home Enseñanza Studiantenan na IPA no ta haya pago compara cu esnan cu bay...

Studiantenan na IPA no ta haya pago compara cu esnan cu bay Scol di Polis

16
0
SHARE
- Advertisement -

ORANJESTAD(AAN): Pa bira maestro e tin su peso financiero segun Berthson Boekhoudt. Na school di polis por ehempel, e studiantenan ta worde paga. Na IPA, no ta asina. Tin studiante cu no ta un mayor, pero tin di nan si tin un famia, pero a kies e ora pa bay studia pa bira maestro.  Pero pa motibonan financiero, ta scoge pa bay traha.

Boekhoudt a splica cu Departamento di enseñansa, hunto cu Ministerio di enseñansa, mester responde riba esaki. IPA ta un institucion cu ta cay bao di Ministerio di Enseñansa.

Nan no por tuma e decisionnan cu ta bisa cu nan ta subsidia, pasobra ta Gobierno tin cu subsidia esaki. Pero loke si por bisa ta, cu berdad cu tin studiante cu tin dificultad. Por ta nan ta trahando, ta kita for di trabao pa bay IPA. Dus e peso financiero ta grandi. Pero banda di esey, nan por aplica pa un prestamo.

Eynan ta caminda cu Departamento di Enseñansa hunto cu e ministerio, mester bay sondea e posibilidad pa wak e cantidad di lening cu ta duna y por ta por incentiva berdad cu bo ta bo caba, cu si bo traha tanto aña pa enseñansa, e ta worde kwijtgescholden, por ehempel.

No sa si e ta mesun bon of bon pa bisa cu ta subsidia mescos cu school di polis, cu ta bisa cu ta paga e studiante pa bay bira maestro. Tin cu corda cu tin un diferencia grandi den polis. Polis hopi biaha ta algo cu bo ta coregi un eror cu a worde cometi. Polis ta actua segun ley. Cerca IPA nan ta mas den e parti cu nan ta educa muchanan. Bo kier hendenan cu ta eynan pa realmente kier bira maestro y no ta eynan pasobra cu ta cobra un salario caba y pesey ta bay bira maestro di school.

Berthson Boekhoudt a splica cu diasabra, dia 4 di November, nan lo bay tene nan opendag. E ta for di 10’or di mainta pa 2’or di merdia. Durante e orarionan aki lo bay tin diferente sesion. Door cu nan ta bay tin diferente opleiding cu ta cuminsa otro aña, tin sesionnan cu informacionnan general riba e diferente opleidingnan.

Tin esun tradicional cu ta e leraar primair onderwijs. Tambe lo bay tin informacion pa bira maestro di movecion y salud. Lo bay tin informacion pa Hulandes bachelor y lo bay tin informacion pa Papiamento bachelor. Lo bay tin informacion tambe di Educational Needs, pa e maestronan cu ta den enseñansa caba cu por upgrade nan mes den e parti special y ta bay tin extra informacion pa e programanan cu ta bezig ta desaroyando. Ta esun di Spaño bachelor y Ingles bachelor.

Banda di esey ta bay tin exposicion tambe. Diferente area lo bay expone nan materialnan, kico e studiantenan ta bezig cun’e, pa duna un feeling pa ora cu cuminsa cu un opleiding na IPA, kico tur por topa cun’e y ki exigencianan ta bay tin. Ta bay tin informacion tambe riba e exigencia cu ora bo caba sea un HAVO of MBO nivel 4, kico ta e rekisitonan tin cu haci pa por drenta IPA. Tur e informacionnan ey lo bay tin.

Tambe e studiantenan di 3 aña ta recaudando fondo pa nan por bay afo. Den e di tres aña den e opleidingnan, ta bay afo pa wak un otro school en exterior, comparando cu esun di Aruba. Nan ta bay cu un meta pa explora mas di loke nos tin na Aruba. Nan ta recaudando fondo bendiendo snacks, cuminsa, cos di bebe, durante e evento.

 

- Advertisement -

DUNA COMENTARIO

Please enter your comment!
Please enter your name here