Home Actividad Especial Super Food Plaza ta lanza programa pa yuda fundacionnan local

Super Food Plaza ta lanza programa pa yuda fundacionnan local

28
0
SHARE
- Advertisement -

ORANJESTAD   (AAN):  Super Food Plaza a lanza su programa Super Food Plaza Cares Program pa yuda fundacionnan local cu un donacion significante. E idea a nace pa bin cu e programa aki como cu na Aruba tin hopi fundacionnan cu ta haci un tremendo trabou pa nos comunidad, pero cu no ta ricibi suficiente fondo pa por cumpli cu nan meta.

Por medio di e campaña Give and Win di e Super Food Plaza Cares Program, clientenan di Super Food Plaza por escoge pa haci un donacion di minimo Afl. 1.75 ($1) pa asina yuda e fundacion na turno, como tambe participa pa gana un di e 3 premionan semanal cu Super Food Plaza ta pone disponible. E prome premio ta un gift card na valor di Afl. 1.000, segundo premio un gift card di Afl. 500 y tercer premio un gift card di Afl. 250. Un sorteo nobo ta cuminsa tur dialuna.

E prome fundacion escogi pa ricibi donacion ta FAVI, cu ta traha na fabor di esnan visualmente incapacita. Clientenan di Super Food Plaza mes a escoge e fundacionnan cu ta desea di yuda prome por medio di voto ariba e pagina di facebook di Super Food Plaza. Cada 4 pa 6 siman un otro fundacion oficial lo yega na turno pa ricibi un donacion.

Clientenan cu ta desea di haci un donacion y asina participa pa gana un di e premionan di tur siman por simplemente menciona na e cahera cuanto nan ta desea di duna. E donacion por ta den forma efectivo como tambe den forma di Bonus Points. E cliente mester skirbi su nomber, number di telefoon y adres parti patras di su recibo original y deposita esaki den e tombola situa dilanti di e customer service desk. Pa mas informacion tocante e Super Food Plaza Cares Program por bishita e website www.superfoodaruba.com.

- Advertisement -

DUNA COMENTARIO

Please enter your comment!
Please enter your name here