Home Deporte SV Bubali a bautisa nan uniform nobo y a yama bon bini...

SV Bubali a bautisa nan uniform nobo y a yama bon bini na “Super Food Plaza” como nan patrocinador oficial

135
0
SHARE
- Advertisement -

ORANJESTAD (AAN): Den fin di siman, a tuma lugar e bautismo di uniformnan nobo pa locual cu ta trata e ekipo di SV Bubali. Presidente Ryan Figaroa tabata tin e honor pa yama tur hende bon bini y alaves revela ken ta e patrocinador principal cu a hinca confiansa den e ekipo. No ta nada straño, cu awendia e ta un lucha enorme pa bo haya un compania sponsor un ekipo den su totalidad completo. No solamente cu e patrocinador mester sponsor e uniform, pero mester contribui na full e plan, e infracstructura di e team. Presidente Ryan Figaroa y tur esnan presente a yama bon bini na “Super Food Plaza” cu oficialmente ta nan sponsor principal. Awo e ekipo di SV Bubali lo carga e number “SV Bubali Super Food Plaza”. Manera cu Presidente di SV Bubali a vocifera, cu e ta un honor pa nan por tin Super Food Plaza como nan main sponsor, mirando cu Super Food Plaza ta keda den Bubali. E sport club di Sv Bubali  ta den Bubali y esaki ta pone un toke sumamente bunita riba full e gesto.

Tambe durante e anochi aki, a reconoce 3 baluarte cu a dedica hopi tempo den e organisacion di SV Bubali. A reconoce Sr. Norwin Gomez, Sr. Jossy Figaroa y Sr. Theo Ruiz. Pa locual cu ta trata Sr. Norwin Gomez y Theo Ruiz, ambos di nan a forma parti di momento nan di Gloria y muy enparticular e unico aña cu SV Bubali a Sali campeon na aña 1975. Sr.Jossy Figaroa a forma parti di e bestuur pa varios aña y ainda su persona ta un miembro hopi activo.

Pa locual cu ta trata e cambionan cu a tuma lugar e aña aki pa e ekipo di SV Bubali, e ekipo ta conta cu algun refuerzo sumamente clave entre otro un; Terick Ruiz, Dolfi Benita (Portero), Morris Escalona, Rumanan Kock y Randall Gross. Como Head coach, e ekipo ta conta cu Sr.Veron Albertsz cu sigur no ta un persona desconoci, y manera su persona a anuncia, e intencion ta pa trece e copa bek cas despues di hopi pero hopi aña.

Di parti Diario Deportivo, nos kier a desea e ekipo di SV Bubali tur clase di exito, mirando cu campeonato di Futbol division di honor ta programa pa inicia diabierna awo 13 di October.

- Advertisement -

DUNA COMENTARIO

Please enter your comment!
Please enter your name here