Home Politica Ta importante pa Parlamento di Aruba sigui independiza su mes

Ta importante pa Parlamento di Aruba sigui independiza su mes

132
0
SHARE
- Advertisement -

Drs. Marisol Lopez-Tromp:

ORANJESTAD (AAN) – Drs. Marisol Lopez-Tromp, miembro di Partido POR, Plataforma e Forza Nobo, a subraya den conferencia di prensa diahuebs mainta, riba e importancia pa Parlamento di Aruba independiza su mes.

Lopez-Tromp a señala cu ta importante pa Parlamento di Aruba sigui independiza su mes, cual ta un nomber grandi pa por bisa cu e ta para riba su mes pia sin cu Ministerraad dicidi riba dje.

Esey ta hopi importante pa tur pais, y nos tin e situacion ey caba den Reino Hulandes unda cu Parlamento ta mas autonomo, entre otro na Curacao y Hulanda, ademas di otro paisnan na mundo.

Esey ta nifica cu Parlamento, realmente, por tuma decisionnan y eherce hopi mihor control riba gobierno y na un manera mas eficiente cu aworaki.

Tambe ta importante ta un punto cu ta integra den e programa di accion di POR cu ta bin cu un “Integriteit Kamer” unda un oficina of departamento ta controla y vigila e procesonan y tur loke mester sosode encuanto integridad.

Esaki ta un tema tambe cardinal, no solamente den e reunionnan cu Parlamento di Aruba ta asisti den e encuentronan interparlamentario den Reino Hulandes, pero pa cada pais e ta un condicion pa nan tin un procedimento integra den tur loke ta regarda un “Integriteit Kamer”.

- Advertisement -

DUNA COMENTARIO

Please enter your comment!
Please enter your name here