Home Comentario Ta urgente pa ora gobierno nobo sinta haci algo pa baha costo...

Ta urgente pa ora gobierno nobo sinta haci algo pa baha costo di bida!

148
0
SHARE
- Advertisement -

ORANJESTAD (AAN) – Na Aruba tin hopi supermercado pa un isla chikito pero asina mes, no ta parce cu tin competencia pasobra e costo di bida cada bez ta subi mas y mas, y no tin un caminda cu por bisa cu e placa ta rindi ni un tiki.

Salarionan pa e gran mayoria di nos poblacion ta den un status quo. Pero costo di bida ketobay ta sigui escala te limitenan cu hopi di nos hendenan no por carga mas.

Riba e tema aki, segun opinion publico, no tin ni un partido politico cu den campaña a papia di algo concreto, y te ainda no ta scucha e voz di pueblo den loke ta costo di bida, resona.

Un consumidor a tuma contacto cu nos redaccion, pa comenta cu ora el a bay haci compra ora el a cobra su salario, cu e mesun lista di tur luna pasobra su presupuesto ta asina structura cu locual e ta consumi tambe ta mes structura, y el a paga 150 florin mas cu luna pasa!!!

Ora el a puntra e cahero pasobra el a kere cu tabata tin un fout, e persona a bise cu siman pasa prijs di tur producto a subi, vooral carni, fruta y berdura. E aumento di prijs den alimentacion ta escandaloso. E consumidor aki ta mira cu no tin ni un caminda pa vocifera y e ta pensa riba e personanan cu ta biba di un salario minimo y den esnan cu solamente tin pension di biehez pa sobrebibi, con nan ta haci?

Ta facil pa bisa “no cumpra anto” pero e no ta bay asina. Tur hende mester come, ta ki salida tin anto? Ta gobierno so por pone man na su curazon y busca un sistema di hinca mas producto den e canasta basico, cu tin proteccion di prijs, y bin cu un medida cu por stop comerciantenan di hisa prijs di producto ki ora nan ta haya ta bon.

- Advertisement -

DUNA COMENTARIO

Please enter your comment!
Please enter your name here