Home General Tarifa di coriente lo baha solamente depende ki prijs lo haya e...

Tarifa di coriente lo baha solamente depende ki prijs lo haya e Gas subsuelo di Aruba

78
0
SHARE
- Advertisement -

ORANJESTAD (AAN):  E siman aki, rumor a core cu si acaso descubri gas den subsuelo di Aruba, esaki lo por nifica cu tarifa di Awa y Coriente lo baha.

E rumor ta berdad?  Pesey mes a acerca Luis Oduber, director di WEB Aruba NV riba e asunto.

Segun Sr. Oduber ta depende na ki prijs haya e gas aki. Riba mercado e prijs di fuel e diferencia no ta grandi. Si tira un tubo, atrobe ta depende na ki prijs esun cu leg aan e tubo bende Aruba e gas. E ora bo ta keda cu e parti di garantia di suministro ya cu bo ta keda depende riba un liña di gas.

Si algo pasa e liña ey of na otro banda nan cera e liña of haci algo, kico ta e consecuencia pa Aruba. Lo mester tin back up, cual lo ta diesel cu lo bira un fuel hopi caro. Tin diferente scenario cu nan ta studiando y naturalmente esakinan ta bay rekeri inversionnan. Y den cuadro di nos mesun energia, renewable, affordable, sustainable.

E ultimo aki ta cu e no mag di tin e efecto di aumento di tarifa na e cliente. Si e ta mantene of baha e tarifa, lo dal bay cun’e.

Si plannan di Citgo, Aruba 2019-2020 lo por haya un rebaho di prijs di awa y coriente, tabata e pregunta haci na Sr. Oduber. Pero atrobe, tur cos ta depende riba e prijs di fuel. Aworaki ta pagando un prijs di fuel, cual un parti ta hedged. Pero si haya fuel mas barata, esey tin efecto riba e tarifanan. E prijs di fuel ta afecta grandemente e prijs di coriente.

Actualmente WEB ta den combersacion cu refineria y Utilities y otro suppliernan, pa gas natural. Ta keda sondea posibilidad. Pero tambe WEB ta keda pendiente cu e desaroyo di exploracion. No ta bay cera un contract di mas di 10 aña cu kisas bo ta haya awa den bo mesun suelo of bo mester tin un garantia cu bo tambe por saca probecho di dje.

Actualmente ta na un crusada cu tin hopi direccion cu por bay y e ta tumando hopi reunion y estudionan prome cu tuma un decision ya cu e decision tuma ta bay pa hopi aña largo, segun Sr. Luis Oduber, director di WEB Aruba NV.

 

- Advertisement -

DUNA COMENTARIO

Please enter your comment!
Please enter your name here