Home Turismo The Ritz-Carlton Hotel a posiciona na Aruba como esun di mas renombre

The Ritz-Carlton Hotel a posiciona na Aruba como esun di mas renombre

51
0
SHARE
- Advertisement -

Y cu un tremendo acogida pa e mercado local

ORANJESTAD   (AAN):   The Ritz-Carlton Hotel ta un hotel construi na 2013 cu ta conta cu 320 camber. Den poco tempo a sa di posiciona su mes na Aruba como esun mas luhoso y di mas renombre. No solamente na nivel mundial pero pa e mercado di Aruba e nomber aki ta uno di peso.

E turistanan cu ta bishita nos isla por experiencia un estadia sublime na The Ritz-Carlton Hotel, pero tambe e localnan. Di momento cu bo drenta y sigui cana pa bay Front Desk bo ta sinti e trato amabel di su personal.

Mas cu claro, bo ta wordo ricibi cu un glas di champaña y brinda un trato personaliza.  Su cozy lobby, e tremendo ambiente den e bar, e bista mahestuoso, The Shops, lo duna bo mesora gana di keda socializa y disfruta di e bahada di solo, un reunion acogedor of simplemente pa relax.

The Ritz-Carlton Hotel ta reconoci pa su bon gusto, pa mantene semper impecable. Sin importa cual camber y cual piso bo lo hospeda, e camber lo ta semper uno bunita y acogedor. Cu un bista mahestuoso pa nos lama blauw y santo blanco.

The Ritz-Carlton Hotel, ademas di su cambernan moderno, ekipa cu frigidair, su mashin pa traha coffee, TV, Radio, free wifi, un bar bon ekipa, un baño luhoso ta ofrece bo diferente posibilidad pa realiza actividadnan den e hotel mes.

Bo ta haya su 2 pool spectacular, The Ritz-Carlton Casino, un fitness center, The Spa, business center, e club level lounge pa e gustonan mas exigente.

E hotel ta conta cu 3 restaurant: BLT Steak (american steakhouse cu ta combina e ambiente classic bistro cu e “steakhouse fare”, Solanio (akinan bo por disfruta di un bankete durante breakfast buffet como tambe deleita den un ambiente estilo italiano) y Madeiro Latin Grill (banda di e pool bo lo por disfruta di e bebidanan tropical y clasico ademas di cuminda riba grill).

Pero ademas di esey por haya Divi Bar & Lounge (tur tipo di bebida di rond mundo y snacks), Ritual Coffee Culture (a habri recientemente den un ambiente contemporaneo ubica na The Shops. Bebidanan manera coffee, smooties, tea, Panini’s, sandwich, gelato, entre otro, ta nan specialidad) y Dinner on the Beach (un setup unico pa un anochi involvidabel cu lama como background).

No duda di haci bo reservacion pa pasa un estadia unico y memorable of simplemente disfruta di un desayuno, lunch of cena na un di su restaurantnan premium.

Y no lubida! bo por pasa bebe un dushi coffee na Ritual Coffee Culture. Ya sea mainta of atardi. Loke sea cu bo kier haci The Ritz Carlton ta e lugar perfecto.

- Advertisement -

DUNA COMENTARIO

Please enter your comment!
Please enter your name here