Home Turismo The Ritz Carlton Hotel Aruba ta pone focus riba e mercado local

The Ritz Carlton Hotel Aruba ta pone focus riba e mercado local

230
0
SHARE
- Advertisement -

Estadia + Relahacion + Experiencia Gastronomico

ORANJESTAD  (AAN):  The Ritz Carlton Hotel Aruba ta bay haci 4 aña di existencia den luna di November. Durante e tempo aki, e hotel a percura pa e mercado local tambe por probecha di e servicionan cu e cadena prestigioso ta ofrece di un of otro manera. Ya sea estadia, pa medio di su restaurantnan premium, su casino  of tambe pa medio di su spa.

The Spa, por ehempel, ta un di e facilidadnan faborito ora ta trata di pamper bo mes y busca un tiki di relahacion. The Spa ta ubica na e prome piso di e hotel y nan tin un “local menu”  pa e guestnan local cu ta disponibel for di basta tempo caba, asina Eric Abdul, Spa Manager a duna di conoce den entrevista cu DIARIO.

El a laga sa cu nan kier bin cu un special unda ta combina e spa cu e F&B outlets. Tin hopi local cu kier bay pasa un dia na e hotel y pesey kier crea algo cu e guest por combina na un prijs accesibel y caminda cu nan por usa e facilidadnan, e poolnan, e fitness center, Ritz Kids, e spa y tur loke esaki tin pa ofrece manera jacuzzi, sauna, steam room como e treatment rooms pero ademas come na un di e restaurantnan di e hotel.

“Como local bo kier pasa un dia na Ritz Carlton y hopi ta pensa cu no por afford’e y eynan kier mustra nan cu si, nan por. Nos tin un prijs local cu si bo compara cu esun di guest e ta hopi bon. Nos kier pa e localnan bin cerca nos”, Abdul a comenta.

Banda di esaki, a bisa, e servicionan tambe ta disponibel den forma di “gift certificates” ya sea pa regalo of simplemente  como muestra di aprecio.

Pa loke ta e opcionnan cu The Spa ta ofrece tin diferente tipo di massages manera e “relaxation massage” como tambe e “signature massages” cual ta hopi gusta y for di e comentarionan y experiencia di e propio localnan, nan ta un di e faboritonan, vooral esun di “couple massage” cu yama “Deseo pa dos”.

Si bo ta cu “honeymoon” of bo kier celebra aniversario cu bo pareha “Deseo pa Dos” ta definitivamente un di e masahenan cu ta wordo recomenda.

Si bo kier experencia un masahe cu toke local pidi e “Divi Divi Massage”. Durante esaki ta usa azeta di e mata di Divi Divi. “Esaki ta un cu a wordo crea door di nos terapistanan. Nos tin 15 terapista cu hunto nan a bin cu un treatment. Esaki tambe ta hopi popular cerca e guestnan cu ta mustra interes y ta pidi informacion riba e “Divi Divi Tree”, Eric Abdul a indica.

Si bo ta keda hospeda na The Ritz Carlton Hotel bo por haci uso di The Spa su facilidadnan entre 9 am y 6 pm 7 dia pa siman. Y si bo ta desea di haya un tratamento cu no ta den “local menu”, bo por scoge pa cualkier otro tratamento cu tin riba e “normal menu” y tog bo lo haya 25% di descuento, Spa Manager a subraya.

“Nos kier atrae mas hende local. Esaki ta e grupo cu personalmente mi kier target. Nos tin un grupo di terapista di calidad superior y esey ta haci e diferencia. Lo ta nice pa e localnan por experience kico tur Ritz Carlton tin pa ofrece”, Adbul a expresa.

Keda pendiente pa e temporada aki di fin di aña pa e specialnan cu ta bay wordo anuncia.

 

 

 

- Advertisement -

DUNA COMENTARIO

Please enter your comment!
Please enter your name here