Home Salud Tin diferente sorto di Artritis cu ta afecta gran parti di e...

Tin diferente sorto di Artritis cu ta afecta gran parti di e poblacion mundial

39
0
SHARE
- Advertisement -

ORANJESTAD (AAN) – Awendia tin mas cu cien malesa diferente cu tin inflamacion di articulacion, como sintoma basico.

Dia 12 di October a pone atencion na un di e malesanan aki riba e Dia Mundial di “Artritis Rheumatoid”, pero e problema di inflamacion di articulacion por wordo dividi den diez diferente sorto di Arthritis, cada un cu su mes pronostico, evolucion y tratamento.

Por menciona algun di e malesanan aki, por ehemplo:

GOTA: e malesa aki ta wordo asocia cu e consumo di carni cora of alimento cu gran cantidad di proteina y ta wordo produci door di e aumento di acido uric den sanger y su consecuente deposito den e articulacionnan.

Fiebre Reumatico: E malesa aki ta wordo asocia na infeccion den garganta genera pa e bacteria streptococcus beta hemolytic y e ta ocasiona aumento di e restistencia na antibiotico Streptomycin.

Artritis Rheumatoid: conoci tambe como Artritis deformativo, cual por cuminza na edad di 20 pa 40 aña. Su causa no ta conoci pero e por ocasiona incapacidad y gran limitacion, si e no wordo diagnostica of trata na tempo.

Osteoartritis: E ta wordo asocia cu e desgaste di e articulacionnan door di paso di tempo motibo pa cual, e ta hopi frecuencia cerca personanan mayor di 50 aña di edad.

Lupus Erythematosus Sistematico: E ta ocasiona un mancha den cara den forma di barbulet, y e por compromete e riñonnan of e sanger causando nephritis of e anemia auto-destructivo yama “anemia hemolytic”.

Frecuencia na mundo:

Ta wordo calcula cu 30% di e poblacion mundial por sufri di algun forma di arthritis of lumbago. Un 2/3 parti so ta presenta manifestacionnan severo (20%) cu ta obliga nan na busca atencion medico. Casi 1 di cada 5 pa 10 pacient cu ta bay consulta primario cu docter tin un malesa musculo-oseo. Di e datonan aki 66% ta personanan menor di 65 aña.

Ta asina si cu e malesanan di desgaste, manera Osteoarthritis ta hopi comun, un gran mayoria di e malesanan reumatico ta cuminza den epocanan tempran di bida.

E tiponan di Lupus ta cuminza entre diez cu binti aña di edad, Fiebre Reumatico prome cu 20 aña, Gota na edad di 40, Artritis Rheumatoid entre 20 cu 40 aña. Ta importante pa acentua cu un persona por tin un forma di artritis den cualkier etapa di su bida.

Impacto:

Un 30% di e personanan tin sintomanan di algun tipo di Arthritis. Di nan 20% ta rekeri di atencion medico y di 5 pa 10% por sufri di Artritis cu ta ocasiona nan un sorto di incapacidad y 0.5% di e poblacion por haya incapacidad permanente of total na consecuencia di Artritis. 0.2% di e pacient por muri debi na e malesa aki.

E malesanan aki ta ocasiona gastonan grandi. Na Merca, por ehemplo, ta wordo calcula cu e costonan di e trastornonan oseo-muscular deriva na gasto den salud, perdemento di trabao door di incapacidad laboral, ta ascende na 2.5% di PIB.

Mas cu 30% di e personanan den edad laboral (18-65 average) cu ta sufri di un tipo di Artritis no por traha of tin cu cambia di actividad habitual, pa motibo di e malesa.

- Advertisement -

DUNA COMENTARIO

Please enter your comment!
Please enter your name here