Home Hudicial Tin ocho sospechoso envolvi den asalto arma na oficina di Gobierno na...

Tin ocho sospechoso envolvi den asalto arma na oficina di Gobierno na Savaneta

417
0
SHARE
????????????????????????????????????
- Advertisement -

A pospone e caso pasobra tin mas sospechoso

ORANJESTAD (AAN) – Ayera mainta e caso contra e tres sospechosonan di e asalto arma na oficina auxiliary di Gobierno no a sigui. E caso tabata pro forma. Ta resulta cu tin mas sospechosonan y Hues a dicidi cu lo trata e caso di nan tur hunto.

TIN OCHO SOSPECHOSO

Ayera mainta a presenta e rumannan homber R.P., I.P. y e homber M.H. Hues a bisa nan cu e caso ta pro forma pasobra tin mas sospechosonan envolvi y e kier trata e caso di nan tur hunto.

Siman pasa e sospechosonan cu a presenta dilanti Hues ta: D.A., M.P., L.R.S., A.C.P. y A.V.Z. di Venezuela biba na Aruba. Nan tambe ta wordo acusa cu riba 31 Maart 2017, nan a haci un asalto arma na e oficina auxiliar di Gobierno na Savaneta. Nan a pusha cu forza un guardia di transporta placa contra un auto y a purba coy su arma di trabou. A dal’e dos biaha riba su cabez. A bringa cun’e y a los un tiro cu su arma. Nan a bay cu mas cu 13.718 florin.

ASALTO ARMA JOYERIA

D.A., R.S., C.P. y V.Z. tambe ta wordo acusa cu riba 22 di Mei 2017 a haci un asalto arma na un joyeria, caminda a pone arma riba un persona. Ademas nan a ranca cellular for di e persona su man, trapa esaki kibra y mara su mannan cu tie-wrap. Nan a pone arma na frenta di un otro persona y bisa: “Bolbe di und abo a sali. Reza un Awe Maria”.

CASO POSPONI

Hues a bisa cu e caso ta keda posponi pa dia 27 di November 2017, caminda tur ocho sospechoso lo mester presenta den Corte. Hues su intension ta pa dedica tres dia pa tratamento di e casonan aki. Dia 27 di November 2017 lo bay dedica riba e asalto arma riba e oficina auxiliar di Gobierno cu a sosode dia 31 di Maart 2017. Dia 28 di November lo bay trata e asalto arma riba un joyeria cu a sosode dia 22 di Mei 2017. Dia 29 di November lo ta dia cu Fiscal lo exigi castigo y e abogadonan lo presenta nan defensa.

- Advertisement -

DUNA COMENTARIO

Please enter your comment!
Please enter your name here