Home Tempo Tormenta Tropical Nate a pasa riba Honduras y ta rumbo pa Mexico

Tormenta Tropical Nate a pasa riba Honduras y ta rumbo pa Mexico

253
0
SHARE
- Advertisement -

ORANJESTAD (AAN): E maltempo cu tabata siman pasa banda di Aruba, a sigui bay pabao y a forma su mes den un Depresion, y di esey a nace Tormenta Tropical Nate.

El a nace pariba di Costa Rica y a move bay panort y cruza Diahuebs riba Honduras.

Diahuebs anochi 8:00 pm, Tormenta Tropical Nate tabata na 15.3º Nort y 84.5º West, cu ta como 75 km pabao di Puerto Lempira, Honduras.  E tabata e ora ey 630 km Zuid-Zuidoost di Cozumel, Mexico.

Su bientonan maximo sosteni ta di 65 km/h, y e tabata moviendo Noord-Noordwest cu 17 km/h.

Un Tropical Storm Warning a wordo emiti pa Sandy Bay Sirpi (Nicaragua) te na Punta Castilla (Honduras).  Tambe di Punta Herrero te na Rio Lagartos (Mexico).

Un Hurricane Watch ta na vigor pa Punta Herrero te na Rio Lagartos (Mexico).

Nan ta adverti tur esnan den peninsula di Yucatan, tambe esnan na parti west di Cuba, y e costa panort den Golfo di Mexico pa keda vigilante.

PRONOSTICO PA ARUBA:  Tormenta Tropical Nate no ta forma ningun peligro pa Aruba.  Ata aki e pronostico pa awe Diabierna.

Temperatura maximo lo ta 33ºC y minimo ta 28ºC.  Pa awe un aire relativamente seco lo limita formamento di nubia significante den region local.  Pesey no ta spera awacero di importancia na Aruba.

Biento ta modera for di direccion entre Oost-Noordoost y Oost-Zuidoost entre 12 y 30 km/h.  Tin biaha e ta basta fuerte te posiblemente fuerte den rafaga entre 31 y 50 km/h.

Olanan di lama lo ta for di direccion pariba cu altura di 3 te cu 5 pia, cu na parti panort e olanan di mas halto.

- Advertisement -

DUNA COMENTARIO

Please enter your comment!
Please enter your name here